Qazaq tılı men ädebietınıŋ oqytuşysy deputat boldy

Respublica partiiasy mandatyn tapsyrǧan Ruslan Berdenovtyŋ ornyna Ekaterina Smoliakovany Mäjılıs deputaty ettı, dep habarlaidy "Adyrna" ūlttyq portaly. Mäjılıs otyrsynan keiın jurnalister su jaŋa deputat Ekaterina Smoliakovaǧa bırneşe sūraq qoidy. Ärıptesterdıŋ bırı «Sızdıŋ memlekettık tıldı bıletınıŋız öte maŋyzdy. Bıraq elımızdegı qazaq tılın bılmeitın azamattarǧa közqarasyŋyz qalai? Öz elınde tūryp özınıŋ tılın bılmegen, aiyp, ūiat emes pe?» dedı deputatqa. Ekaterina Sergeiqyzynyŋ aituynşa, memlekettık tıldı bılu är Qazaqstan azamatynyŋ paryzy, mındetı. Äitse de ol eşkımge aiyp taǧyp, kınälamai almaitynyn eskerttı. «Jalpy özım Reseide tuyp, öskenmın. Otbasylyq jaǧdaiǧa bailanysty 2000 jyldary Qazaqstanǧa köşıp, kelıp, osynda orys tılınde bılım aldym. Odan keiın belgılı bır jaǧdailarǧa orai qazaq tılı men ädebietı mamandyǧyna oquǧa tüstım. Käsıbi qyzmetım qazaq tılı men ädebietı pänınıŋ mūǧalımdıgı qyzmetınen bastaldy», – dedı ol. – Bızde memlekettık tıldı meŋgergen azamattar deputat bolyp sailanady. Olardyŋ ışınde keremet maman dep aituǧa bolmaityn adamdar kezdesıp qalady. Sızde solai kezdeisoq deputat bolǧan joqsyz ba? – Endı men bıreudı «Kezdeseisoq jaǧdaida lauazymǧa jettı» dep aita almaimyn. Menıŋ būl jerge keluımdı partiiamyzdyŋ Ortalyq keŋesı şeştı. Men partiianyŋ qūramynda bırınşı künnen bastap barmyn jäne partiialyq tızımde de barmyn. Ortalyq keŋestıŋ şeşımımen rotasiia boiynşa osynda kelıp otyrmyn. Al qandai jūmys nätijesın körsetemın, ony aldaǧy uaqytta elektorat, sailauşylar özderı baǧalap, özderı aitady dep sanaimyn. – Özıŋız qazaq tılı men ädebietınıŋ mamany ekendıgıŋızdı aittyŋyz. Mäjılıste zaŋ salasynyŋ mamandary otyru kerek. Sız zaŋ jobasyn oqyp, ony tüsıne alasyz ba? – Ärine, tüsınemız. Mūǧalımdıkten bölek, menıŋ universitettıŋ äkımşılıgınde ıstegen 10 jyldyq täjıribem bar. Sondyqtan men pedagogtyq jäne universitet qabyrǧasyndaǧy basşylyq täjıribemdı ekspert retınde osynda jūmsaityn bolamyn.