Üş aidan keiın. Auǧanstanda jabylǧan telearna qaita aşyldy

Auǧanstannyŋ nasihat, ızgılık jäne terıs qylyqtyŋ aldyn alu ministrlıgı üş ailyq üzılısten keiın “Arzu TV” telearnasyna qaita habar taratuǧa rūqsat berdı, dep habarlaidy “Adyrna” ūlttyq portaly Ariana News-ke sılteme jasap. Kabulda ornalasqan studiia 2024 jyldyŋ jeltoqsanynda jabylǧan. Ministrlıktıŋ mälımetınşe, telearna islam qūndylyqtaryn nasihattau maqsatynda jäne būqaralyq aqparat qūraldarynyŋ dūrys paidalanyluyn qamtamasyz etu üşın uaqytşa jabylǧan. Telearnanyŋ jabyluy kezınde jetı qyzmetker qamauǧa alynyp, öndırıstık jabdyqtar tärkılengen. Keŋse esıgıne “ädepsız serialdardy körsetkenı üşın” telearna jabylǧany turaly habarlama ılıngen. Auǧanstan jurnalistika ortalyǧynyŋ (AFJC) deregınşe, telearna dari tılıne audarylǧan türık serialdaryn körsetken. Ministrlıktıŋ baspasöz hatşysy Saif Ul-İslam Haiberdıŋ aituynşa, “İslam ämırlıgı BAQ-ty qoldauǧa jäne pıkır bıldıru bostandyǧyn islamdyq jäne ūlttyq qūndylyqtar negızınde qamtamasyz etuge peiıldı”. Auǧanstannyŋ täuelsız jurnalister qauymdastyǧy telearnanyŋ jūmysyn qaita bastau turaly şeşımdı qoldap, bilıkke erkın aqparat qūraldaryn qoldaǧany üşın alǧys bıldırdı.