Fransiia Ukrainaǧa jüzdegen milliard euro kömek berudı ūsyndy

Fransiia prezidentı Emmanuel Makron Euroodaq Ukrainaǧa jüzdegen milliard euro kölemınde qarjylai kömek körsetu mümkındıgın qarastyryp jatqanyn mälımdedı, dep habarlaidy “Adyrna” ūlttyq portaly DW basylymyna sıltep. Makronnyŋ aituynşa, 6 nauryzda ötetın Euroodaqtyŋ kezekten tys sammitınde Ukrainaǧa qoldau körsetu jäne Europanyŋ qauıpsızdık jüiesın qūru mäselelerı talqylanady. Ol Eurokomissiiaǧa Ukraina üşın auqymdy qarjylandyru baǧdarlamasyn ıske qosu turaly tapsyrma berıluı mümkın ekenın atap öttı. Fransiia prezidentı Europanyŋ qauıpsızdıgı üşın AQŞ-tyŋ qoldauyn saqtau maŋyzdy ekenın aitty. Alaida, onyŋ pıkırınşe, AQŞ-tyŋ qazırgı prezidentı Donald Tramp Reseimen kelısımge keluge beiım, būl – qatelık. Makron Ūlybritaniia premer-ministrı Kir Starmermen bırge Ukrainada europalyq bıtımgerlık küşterın ornalastyru turaly bastamany ūsynǧanyn da mälımdedı. Ol būl qadam Kievke qauıpsızdık kepıldıgın beru üşın maŋyzdy ekenın aitty. Sonymen qatar, Fransiia basşysy Reseidı Europa üşın “ekzistensialdy qauıp” dep atap, Trampty Ukrainamen dialogty jalǧastyruǧa şaqyrdy.