"Habar" telearnasy 1996-2000 jyldary tüsırılgen “Toǧysqan taǧdyrlar” serialyn qaita körsete bastady. 20 seriiada būrynǧy prezident Nūrsūltan Nazarbaevtyŋ portretın būlyŋǧyrlatyp qoiǧan, dep haarlaidy “Adyrna” ūlttyq portaly.
Serial YouTube platformasyna jaqsartylǧan sapada jüktelgen.
«Toǧysqan taǧdyrlar» telehikaiasy 1996-2000 jyldar aralyǧynda tüsırılgen. Onyŋ 465 bölımı körsetıldı. TMD elderı mediaforumynyŋ nūsqauy boiynşa ol 1998 jyldyŋ üzdık telehikaiasy tanylyp, qazaq körermenı arasynda ülken reitiŋge ie boldy. Ūzaqtyǧy jaǧynan sodan berı eşbır serial «Toǧysqan taǧdyrlardan» asyp tüse almady.
Agenttıktıŋ mälımdeuınşe, aqpan aiynyŋ 10-nan bastap serialdyŋ sifrlyq formatta jaqsartylǧan nūsqasy «Habar» telearnasy men Khabar RETRO YouTube-arnasynda körermenge jol tartqan.
«20-seriiadaǧy epizodty sifrlandyru kezınde tehnikalyq qate ketıp qaldy. Bız osy jaǧdaidy jedel türde tüzettık. Epizodty mūqiiat qarap, kemşılıktı körsetken körermenderımızge alǧysymyz şeksız», – deidı agenttık ökılderı.
«Habar» arnasynyŋ aituynşa, körermender YouTube platformasynda osyǧan deiın de dybysqa qatysty bırşama qatelıkterdı baiqap, olardy tüzetuge sebepşı bolǧan.
Telearna mamandarynyŋ jedel äreketınıŋ arqasynda, Nazarbaevtyŋ portretı qazır Khabar RETRO arnasynda qalpyna keltırılıp, būlyŋǧyrlyq tolyq joiylypty.
