Zaisan, Kürşım, Tarbaǧatai jäne Samar audandarynyŋ tūrǧyndary 5 nauryzdan bastap jūmys künın bır saǧat erterek bastaidy, dep habarlaidy "Adyrna" ūlttyq portaly.
Şyǧys Qazaqstan oblysy Tarbaǧatai audanynyŋ äkımı Darhan Jörgekbaevtyŋ aituynşa, jūmys uaqytyn bır saǧatqa jyljytu ideiasyn audannyŋ barlyq 28 auyldyq eldı mekenınıŋ tūrǧyndary qoldaǧan.
Zaisan audanynda 33 eldı meken bar, onda 35 myŋnan astam adam tūrady.
Audan äkımı Äelita Ahmetsälımqyzynyŋ aituynşa, zaisandyqtar būl ūsynysty quana qabyldaǧan.
"Būl şeşım qabyldanbas būryn, ärbır auyldyq okrugte jinalystar ötkızdık, halyq būl ideiany qoldady. Öitkenı Zaisan audany Şyǧys Qazaqstan oblysynyŋ şyǧys şekarasyna eŋ jaqyn ornalasqan, sondyqtan bızde kün erte şyǧady, iaǧni jaryq uaqyt ta erterek bastalady. Sondyqtan jūmys künınıŋ 08:00-de bastalyp, 17:30-da aiaqtaluy halyqqa öte yŋǧaily – jūmystan keiın üi şaruasyna, balalarǧa jäne jaqyndaryna köbırek uaqyt qalady", – dedı äkım.
Aita keteiık, Zaisan audanynda segız auyldyq okrug jäne 33 eldı meken bar. Onda 35 219 adam tūrady.
5 qaŋtardan bastap Katonqaraǧai audanynyŋ 17 auylynda jūmys künı 08:00-de bastalyp, 17:30-da aiaqtalatyn jaŋa jūmys kestesıne köşken bolatyn. Al 24 aqpannan bastap Marqaköl jäne Ülken Naryn audandarynyŋ tūrǧyndary da osy kestege ötken.
