Qaraǧandy oblysynyŋ Būqar jyrau audanyndaǧy mektepterdıŋ bırınde oquşydan tuberkulez anyqtaldy. Ata-analar mekteptıŋ karantinge jabylmaǧanyna alaŋdauly, dep habarlaidy "Adyrna" ūlttyq portaly.
Auru profilaktikalyq tekserıs kezınde belgılı bolǧan. Oblystyq densaulyq saqtau basqarmasynyŋ mälımetınşe, oquşy būǧan deiın de tuberkulezben auyryp, emdelgen.
"Aldyn alu tekserısı barysynda būryn esepte tūrǧan nauqasta aurudyŋ qaita asqynǧany anyqtaldy. Būl jaǧdai jasöspırımnıŋ jas erekşelıkterıne, gormonaldy özgerısterge jäne immunitettıŋ älsıreuıne bailanysty boluy mümkın", — dep tüsındırdı vedomstvo ökılderı.
Mektep oquşylarynyŋ ata-analary balalarynyŋ da auru jūqtyruy mümkın ekenın aityp, alaŋdauşylyq bıldırdı. Alaida, densaulyq saqtau basqarmasy barlyq qajettı dezinfeksiialyq şaralar jasalǧanyn jäne özge oquşylarǧa qauıp joq ekenın mälımdedı.
"Qazırgı uaqytta nauqas stasionarda em qabyldap jatyr. Mektepte qorytyndy dezinfeksiia jürgızıldı, barlyq bailanysta bolǧan adamdar tekseruden öttı. Qosymşa jūqtyru derekterı anyqtalǧan joq. Ata-analarǧa sanitarlyq-gigienalyq normalardy saqtau boiynşa tüsındıru jūmystary jürgızıldı. Qaşyqtan oqytu engızudıŋ qajetı joq", — dep habarlady basqarma.
