Oralda belgılı aitysker aqyn, Qazaqstannyŋ eŋbek sıŋırgen mädeniet qyzmetkerı, qoǧam qairatkerı Şolpan Batyrqyzy Qydyrniiazova 76 jasqa qaraǧan şaǧynda dünieden öttı, dep habarlaidy “Adyrna” ūlttyq portaly.
Şolpan Qydyrniiazova 1949 jyly 6 mamyrda Batys Qazaqstan oblysy, Qaratöbe audany, Qaraköl auylynda düniege kelgen. Ol ädebiet pen jurnalistika salasynda jemıstı eŋbek etıp, Qaratöbe audandyq «Eŋbek tuy» gazetınde qyzmet atqarǧan.
Aqyndyq önerımen tanylǧan ol 1980 jyly respublikalyq aqyndar aitysynda bas jüldege ie bolyp, Qazaq SSR-ınıŋ eŋbek sıŋırgen mädeniet qyzmetkerı ataǧyna laiyq dep tanyldy. Aqyn aitys sahnasynda eluden astam aitysqa qatysyp, öz zamanynyŋ söz şeberlerımen söz qaǧystyrǧan.
Şolpan Batyrqyzy tek aitysker aqyn ǧana emes, tıl saiasaty men mädeniet salasynda da öz qoltaŋbasyn qaldyrǧan tūlǧa. 2004-2008 jyldary Batys Qazaqstan oblysy tılderdı damytu basqarmasynyŋ basşysy retınde öŋırde memlekettık tıl men onomastika salasynyŋ damuyna aitarlyqtai üles qosty.
Aqynnyŋ aitystary «Jyr şaşu», «On alty qyz, bır jıgıt» jinaqtaryna engen. Sondai-aq, ol «Jazira» (1982), «Erke qūs» (1992), «Elıgı erkın dalanyŋ…» (2004), «Qos qanat» (2010), «Qaratöbem, qasiettı qūşaǧyŋ» (2015), «Menıŋ tärbie saǧatym» (2016), «Anadan – aqyl, äjeden – ädep» (2019) syndy jyr, aitys jäne naqyl sözder jinaqtaryn jaryqqa şyǧardy.
Eŋbegı elenıp, «Qūrmet» ordenımen, «Qazaqstan Konstitusiiasyna - 10 jyl», «Qazaqstan mäslihatyna - 20 jyl», «Eren eŋbegı üşın» medaldarymen marapattaldy. Qaratöbe audanynyŋ qūrmettı azamaty atandy.
Ūqsas jaŋalyqtar
