Vaşingtondaǧy atys. Aq üi maŋynda qaruly er adam ūstaldy

AQŞ-ta Aq üi maŋynda AQŞ qūpiia qyzmetınıŋ agentterı men qaruly er adam arasynda atys boldy, dep habarlaidy "Adyrna" ūlttyq portaly. Er adam tärtıp saqşylarynyŋ būiryqtaryna baǧynudan bas tartyp, nätijesınde jaralanǧan. Qazır küdıktı auruhanada jatyr. AQŞ qūpiia qyzmetınıŋ baspasöz hatşysy Entoni Gulelmi agenttıkke İndianadan laŋkes keluı mümkın degen aqparat tüskenın mälımdedı. Aq üi maŋynda sipattamaǧa säikes keletın er adam baiqalǧan. Ol toqtaǧan kölıgınıŋ janynda tūryp, tapanşasyn būlǧaǧan. Qūqyq qorǧau organdary ony ūstauǧa ärekettengende, ol berıluden bas tartyp, oq atqan. Jauap retınde agentter qaru qoldanǧan. Oqiǧa kezınde Donald Tramp Vaşingtonda bolmaǧan. Şabuyldauşynyŋ mūndai äreketke ne üşın barǧany älı belgısız.