Osydan 15 jyl būryn, 2010 jyly 11 nauryzdan 12 nauryzǧa qaraǧan tünı Almaty oblysyndaǧy Qyzylaǧaş su qoimasyndaǧy böget būzylyp, qaiǧyly oqiǧa oryn alǧan edı.
Saldarynan auyldy su basyp, 45 adam qaza tapty.
Qyzylaǧaş auylynda şamamen 3,5 myŋ adam tūrǧan, olardyŋ basym köpşılıgı – syrttan kelgen qandastar. Bır mezette auyldy bes metrden asatyn tasqyn su şaiyp, baspanalar qirap, mal men adamdardy aǧyzyp äkettı.
146 üi tolyqtai joiylyp, 251 üi qatty zaqymdandy, 42 üige jöndeu qajet boldy.
Tötenşe jaǧdailar qyzmetı men äskeriler oqiǧa ornyna jedel jetıp, qūtqaru jäne ızdestıru jūmystaryn jürgızdı. Tıkūşaqtar men arnaiy jasaq topan su basqan aumaqty kün saiyn şolyp, tūrǧyndardy qauıpsız aimaqqa köşırdı. Qyzylaǧaş su qoimasynan aqqan su nebärı 18 minut ışınde auyldy tügel şaiyp ketken.
Qyzylaǧaştaǧy apatqa kınälı dep Qyzylaǧaş auyldyq okrugınıŋ sol kezdegı äkımı Eset Jünısov, "Qyzylaǧaş" su qoimasynyŋ basşysy, "Şynar" JŞS direktory Quanyş Bekeev, su paidalanuşylar arnauly öndırıstık kooperativınıŋ atqaruşy direktory Mūhit Jünısov, Aqsu audandyq tötenşe jaǧdailar jönındegı bölımnıŋ bastyǧy Künıbek Baizaqov jäne Almaty oblysy boiynşa tötenşe jaǧdailar jönındegı departament bastyǧynyŋ orynbasary Evgenii Eninder tanyldy. Olar türlı merzımge sottaldy.
