Özbekstanda endı änşıler konsertterınde fonogramma paidalanatyny turaly aldyn ala habarlauǧa mındetteldı, dep habarlaidy “Adyrna” ūlttyq portaly Ferǧanaǧa sıltep.
Būl turaly 11 nauryzda el prezidentı Şavkat Mirziioev qol qoiǧan jaŋa zaŋǧa säikes belgılı boldy.
Özgerıster «Tūtynuşylardyŋ qūqyqtaryn qorǧau turaly», «Jarnama turaly» jäne «Mädeni qyzmet jäne mädeni ūiymdar turaly» zaŋdarǧa engızıldı. Endı önerpazdar özderınıŋ jarnamalyq materialdarynda konsertte jandy dauyspen öner körsetetının nemese fonogrammany tolyq nemese ışınara paidalanatynyn körsetuı kerek. Sonymen qatar, konsert baǧdarlamasynda tek oryndauşynyŋ ǧana emes, än avtorlarynyŋ da esımderı jazylatyn bolady.
“Būl körermenderge sanaly taŋdau jasauǧa kömektesedı. Qandai änşı än aityp jatyr, kım muzyka jazdy, oryndau qanşalyqty tırı, fonogramma qoldanyla ma – barlyǧy aiqyn jäne aşyq bolady,” – dep tüsındırdı Senat ökılderı.
Sonymen qatar, eldegı önerpazdardyŋ qyzmetın rettep, lisenziia berumen ainalysatyn memlekettık «Özbekkonsert» ūiymynyŋ basşysy auysty. Būl qyzmetke Odiljon Abdukahhorov taǧaiyndaldy. Ol būǧan deiın 2017-2020 jyldary osy mekemenı basqarǧan.
Ol bilık etken kezınde änşılerdıŋ sahnadaǧy kiınu stilıne, saqal qoiuyna jäne prezidentke arnalǧan madaq änderıne syn aityp, olardy jiı tärtıpke şaqyrǧan edı.
Jaŋa zaŋ resmi jariialanǧannan keiın bırden küşıne enedı.
Ūqsas jaŋalyqtar
