Ridderde memlekettık mekemeler, käsıporyndar men äleumettık qyzmetterdıŋ jūmys kestesı özgerdı. Būl turaly Ridder äkımınıŋ orynbasary Bolat Aqujanov aitty, dep habarlaidy “Adyrnp” ūlttyq portaly.
Aqparatqa säikes, 14 nauryzdan bastap Şyǧys Qazaqstan oblysynyŋ Ridder tūrǧyndarynyŋ jūmys künı bır saǧatqa erterek – taŋǧy 08:00-de bastalyp, 17:30-ǧa deiın jalǧasady. Tüskı üzılıs uaqyty 12:00-den 13:30-ǧa deiın belgılendı.
Qalalyq äkımdık būl özgerıstıŋ basty maqsaty – eŋbek prosesın oŋtailandyryp, jūmys tiımdılıgın arttyru ekenın atap öttı.
"Bügınde Şyǧys Qazaqstan oblysynyŋ 11 audany jaŋa jūmys kestesıne köştı, bız de būl bastamany quana qoldadyq. Jūmys uaqytynyŋ özgeruı – kün tärtıbın yŋǧaily ärı önımdı etuge jasalǧan qadam. Endı tūrǧyndardyŋ energiiasy ünemdelıp, taŋǧy uaqyt tiımdı paidalanylady. Sondai-aq, kündızgı jaryqta köbırek ıs tyndyruǧa mümkındık bar", – dedı Ridder äkımınıŋ orynbasary Bolat Aqujanov.
Onyŋ aituynşa, būl özgerıster jūmys ısteitın azamattar men olardyŋ otbasylary üşın de paidaly bolmaq.
Aita keteiık, jaŋa jūmys kestesı mektepterge, balabaqşalarǧa jäne medisinalyq mekemelerge äser etpeidı, sebebı olar būrynnan 08:00-den bastap jūmys ıstep keledı.
Ridder äkımınıŋ orynbasary Bolat Aqujanovtyŋ sözınşe, jūmys uaqytyn özgertu turaly şeşım qabyldamas būryn qala tūrǧyndarymen bırneşe kezdesu ötkızılıp, mäsele jan-jaqty talqylanǧan.
"Qala tūrǧyndary būl bastamany qoldady. Jaŋa jūmys kestesı uaqytty tiımdı paidalanuǧa jäne jūmys pen jeke ömır arasyndaǧy teŋgerımdı saqtauǧa kömektesedı dep esepteimın", – dep qorytyndylady äkım orynbasary.
Aita keteiık, 29 aqpannan 1 nauryzǧa qaraǧan tünı Qazaqstan bıryŋǧai uaqyt beldeuıne öttı. Alaida 7 mausymda uaqytty qaita özgertuge qatysty petisiia bastalyp, 50 myŋnan astam qol jinalǧanymen, ol qabyldanbady.
2025 jyldyŋ qaŋtarynan bastap Şyǧys Qazaqstan oblysynyŋ bırneşe audany jaŋa jūmys uaqytyna köştı.
5 qaŋtardan bastap Katonqaraǧai audanynyŋ 17 auyly, 24 aqpanda – Marqaköl men Ülken Naryn audandary, 5 nauryzda – Zaisan, Kürşım, Tarbaǧatai jäne Samar audandary, 12 nauryzda – Altai men Ūlan audandary jaŋa kestemen jūmys ıstei bastady. Būl audandarda jūmys künı 08:00-de bastalyp, 17:30-da aiaqtalady. Tüskı üzılıs – 12:00-13:30 aralyǧynda belgılengen.
