Burabaida ötken Ūlttyq qūryltaidyŋ törtınşı otyrysynda Qasym-Jomart Toqaev salyq reformasynyŋ qajettıgın atap öttı. Būl turaly Aqorda jariialady, dep habarlaidy “Adyrna” ūlttyq portaly.
«Käsıpkerlerdıŋ ekı negızgı toby bar: bırınşısı – zaŋnamadaǧy olqylyqtardy paidalanyp, salyqtyq mındettemelerın barynşa azaituǧa tyrysatyndar, ekınşısı – barlyq salyqtardy adal töleitınder. Ärine, ekınşı toptaǧy käsıpkerler bäsekege qabılettılıgı tömen bolyp qalady. Ükımet biznestıŋ salyqtan jaltaru maqsatynda bölşektenuı mäselesıne oryndy nazar audardy. Ökınışke qarai, būl – keŋ taralǧan qūbylys. Mysaly, bır meiramhanada 3-4 şaǧyn käsıporyn tırkelgen. Tıptı, bardyŋ esep aiyrysu söresı de bölek şaǧyn biznes retınde räsımdelgen. Şyn mänınde, biznestı bölşekteu – zaŋnamalyq olqylyqtardyŋ saldary», – dedı Toqaev.
Prezidenttıŋ aituynşa, būl mäsele ükımet pen deputattar tarapynan jetkılıktı deŋgeide zerttelmegen. Ol salyq saiasaty boiynşa körsetkışterge negızsız süienudıŋ qauıptı ekenın atap öttı.
«Elımızde ekı millionnan astam salyq töleuşı men jeke käsıpker tırkelgen dep maqtanyşpen aitamyz. Bıraq olardyŋ qandai käsıporyndar ekenı, qalai paida bolǧany, qanşa salyq töleitını nemese mülde tölemeitını saraptalǧan joq», – dedı memleket basşysy.
Sonymen qatar, prezidenttıŋ aituynşa, būl mäsele ükımet pen deputattar tarapynan jetkılıktı deŋgeide zerttelmegen. Taǧy da ädemı körsetkışterdıŋ soŋyna tüsıp, elde ekı millionnan astam salyq töleuşı, jeke käsıpker tırkelgen dep maqtanǧa salǧanyn jetkızdı. Sondai-aq, olardyŋ qandai käsıporyndar ekenı, qalai paida bolǧany, qanşa salyq töleitını jäne mülde tölemeitını saraptalmaǧanyn aitty.
«Ädıl ärı tiımdı salyq jüiesın qūru elımızdıŋ bolaşaǧyna, keiıngı ūrpaqtyŋ tūrmysyna tıkelei äser etetının ūǧynǧan jön. Bilık bizneske qoldau körsetıp keldı, körsete de beredı. Būǧan kümän bolmauǧa tiıs. Bıraq biznestıŋ özı zaŋdy jäne zaŋsyz bolady. Bız zaŋdy saqtau, tärtıpke baǧynu kerek dep jatamyz. Endeşe Ükımettıŋ jäne jalpy bilıktıŋ qoldau şaralarynyŋ igılıgın, bırınşı kezekte, adal ärı jauapty, eŋ bastysy, zaŋ aiasynda jūmys ısteitın käsıpkerler köruge tiıs. Salyq reformasyna kelsek, batyl şaralardy däl qazır qabyldau kerek. Äitpese, būdan da zor qiyndyqqa tap bolamyz», – dedı prezident.
Ūqsas jaŋalyqtar
