Prezident Qasym-Jomart Toqaev Arqalyqtaǧy äuejaidy qalpyna keltırıp, jaŋa aerovokzal saludy tapsyrdy. Būl turaly ol Burabaida ötken qūryltaida aitty, dep habarlaidy “Adyrna” ūlttyq portaly.
"Men Ükımetke Astanadan Arqalyq, Torǧai jäne Yrǧyz arqyly Transkaspii halyqaralyq kölık dälızıne tura şyǧatyn avtokölık jolynyŋ qūrylysyn bastaudy tapsyrdym. Jaŋa küre jol ortalyq jäne batys aimaqtardyŋ arasyn 560 şaqyrymǧa qysqartady. Būl – tūtas Torǧai öŋırınıŋ damuyna tyŋ serpın beretın auqymdy joba.
Būdan bölek Arqalyqtaǧy äuejaidy qalpyna keltırıp, jaŋa aerovokzal salǧan jön. Būl joba ışkı kölık qatynastaryn edäuır jaqsartady. Sondai-aq ortalyq aimaqtaǧy auyl şaruaşylyǧy jerlerın igeruge jäne mal şaruaşylyǧyn damytuǧa tyŋ serpın beredı.
Elımızde maşina jasau, metallurgiia, mūnai-himiia, agroönerkäsıp jäne kölık-logistika salalarynda mūndai jobalar az emes", - dedı Toqaev.
