Arqalyq qalasyndaǧy äuejaidyŋ qūrylysy aiaqtaldy. Būl turaly bügın, 21 tamyzda Qostanai oblysynyŋ äkımı Qūmar Aqsaqalov jazdy, dep habarlaidy «Adyrna» tılşısı.
Aituynşa, äuejaidyŋ aviasiialyq qauıpsızdık qyzmetı 3 tamyzda №8/26 sertifikatyn alsa, 18 tamyzda «Qazaeronavigasiia» RMK-ǧa aeronavigasiialyq qyzmetterdı jetkızuşı retınde №21 sertifikat berılgen. Al 21 tamyzda Arqalyq aerodromyna ARD seriialy №KZ01VKC00000389 jaramdylyq sertifikaty räsımdelgen.
Qazırgı uaqytta äuejai CRJ200 ülgısındegı öŋırlık jolauşylar ūşaqtaryn qabyldap, olarǧa qyzmet körsetuge daiyn. Baiqau qorytyndysy boiynşa äue baǧyttarynyŋ jeŋımpazy «SCAT» äue kompaniiasy» AQ atanǧan.
Alǧaşqy äue reisın Arqalyq äuejaiy 22 tamyzda qabyldauy josparlanǧan. Al 1 qyrküiekten bastap tūraqty reister oryndalady.
Reister är seisenbı jäne senbı künderı Almaty – Arqalyq – Qostanai – Arqalyq – Astana baǧyttary boiynşa jüzege asyrylady.
«Arqalyq äuejaiynyŋ qaita ıske qosyluy – Torǧai öŋırınıŋ kölık qoljetımdılıgın arttyryp, eldı mekenderdıŋ äleumettık-ekonomikalyq damuyna jaŋa mümkındık beretın maŋyzdy qadam. Qūtty bolsyn!»– dedı oblys äkımı.
