Bügın «Ūlan» balalar men jasöspırımder gazetınıŋ negızı qalanǧanyna 95 jyl toldy.
Basylym alǧaş ret «Jas Alaş» gazetınıŋ 5-6 betın qamtityn ışkı gazet retınde jariialandy. Gazet qazaq balalaryn bastauyş jäne tolyq emes orta bılım aluǧa şaqyrdy.
Gazet 1930-1937 jyldary «Pioner», 1937-1941 jyldary «Oktiabr balalary» degen ataumen basylyp şyqty. Ūly Otan soǧysy jyldary basylmady. 1946-1989 jyldary gazettıŋ atauy «Qazaqstan pionerı» bolyp özgerdı.
1930 jyly 5 qaraşada «Pioner» gazetı Almaty qalasynyŋ Gogol köşesındegı № 9 üide tūŋǧyş ret öz aldyna derbes basylym bolyp şyqty. Gazettıŋ qūryluyna jazuşylar men qoǧam qairatkerlerı: S. Seifullin, B. Mailin, I. Jansügırov, Ǧ. Müsırepov, S. Esova, M. Äuezov, S. Mūqanov, S. Begalin, B. Soqpaqbaev atsalysty.
Soǧystan keiıngı jyldary gazet balalardyŋ küş jıgerın eresekterge auylşaruaşylyq ekonomikany köteruge, mal şaruaşylyǧy men egınşılıktı damytuǧa kömektesuge baǧyttady. Tyŋ jäne tyŋaiǧan jerlerdı igeru kezınde gazet «Tyŋ jerlerden hat», «Būl pionerlerdıŋ kömegı» degen tūraqty taqyryptarmen materialdar şyǧardy. Gazet sonymen qatar öz oqyrmandaryn ǧylym jäne tehnika, ädebiet pen öner, mädeniet jäne sport jaŋalyqtarymen tanystyrdy. Sol kezdegı gazettıŋ basty aidarlary: «Ǧalamşardyŋ jas batyrlary», «Molşylyq», «Törtınşı, besınşı eŋbek», «Joldas vojatyi» jäne t.b.
Är jyldary basylym redaktorlary Ä. İsmaiylov, Ä. Ydyrysov, S. Berdıqūlov, F. Oŋǧarsynova, U. Qalijan, B. Qoişybaev, Ǧ. Dosken, B. Süleimenov, S. Qaliūly jäne t.b. boldy.
Qazaqstan täuelsızdıgınıŋ alǧaşqy jyldarynan bastap gazetke zamanaui «Ūlan» atauy berıldı.
1980 jyly jaryq körgenıne 50 jyl toluyna orai jäne jas ūrpaqqa sanaly tärbie beru jolyndaǧy eŋbegı eskerılıp, «Qazaqstan pionerı» gazetı «Qūrmet» ordenımen marapattaldy.
«Ūlan» gazetı 2002 jyly Qazaqstan Respublikasy Jurnalistika akademiiasynyŋ «Altyn jūldyz» syilyǧyn «Balalar basylymy» nominasiiasy boiynşa ielendı.
Körmege Qazaqstan Respublikasynyŋ Ūlttyq kıtaphanasy qorynan alynǧan balalar jazuşylary men jurnalisterdıŋ är jyldardaǧy, gazetter men jurnaldar betterındegı maqalalar qoiyldy.
