AQŞ federaldy biudjetı arqyly qarjylandyrylatyn «Amerika dauysy» radiostansiiasynyŋ 1,3 myŋnan astam qyzmetkerı äkımşılık demalysqa jıberıldı. 83 jyldyq tarihynda alǧaş ret radiostansiianyŋ habar taratuy toqtatyldy. Būl turaly redaksiia direktory Maikl Abramovis LinkedIn äleumettık jelısınde mälımdedı, dep habarlaidy "Adyrna" ūlttyq portaly.
«Men qaiǧyryp otyrmyn, sebebı 83 jyl ışınde alǧaş ret aŋyzǧa ainalǧan «Amerika dauysy» ünsız qaldy. Bügın taŋerteŋ men radiostansiianyŋ 1300-den astam jurnalisterı, prodiuserlerı jäne tehnikalyq qyzmetkerlerı siiaqty özımnıŋ de äkımşılık demalysqa jıberılgenımdı bıldım. «Amerika dauysyna» şynaiy reformalar qajet, jäne būl baǧytta belgılı bır jetıstıkterge qol jetkızılgen bolatyn. Alaida bügıngı şeşım radiostansiianyŋ maŋyzdy missiiasyn oryndau mümkındıgınen aiyrady. Būl missiia äsırese qazır öte maŋyzdy, öitkenı İran, Qytai jäne Resei siiaqty Amerikanyŋ qarsylastary milliardtaǧan dollar jūmsap, AQŞ-ty qaralaityn jalǧan aqparat taratuda», – dep jazdy Abramovis.
Onyŋ aituynşa, eger agenttık qandai da bır formada saqtalyp qalsa da, AQŞ prezidentı äkımşılıgınıŋ bügıngı äreketterı onyŋ erkın jäne qauıpsız älem qalyptastyru qabıletıne ülken ziian tigızedı.
«80 jyldan astam uaqyt boiy «Amerika dauysy» AQŞ-tyŋ baǧa jetpes bailyǧy bolyp, kommunizmge, faşizmge jäne qysym körsetuge qarsy küreste maŋyzdy röl atqardy. Sondai-aq bükıl älemde bostandyq pen demokratiiany qorǧady. Bügınde onyŋ auditoriiasy aptasyna 360 millionnan asa adamdy qūraidy. 48 tılde habar taratylady. Diktatura jaǧdaiynda ömır süretın köptegen adamdar üşın «Amerika dauysy» jalǧyz senımdı aqparat közı bolyp qala beredı», – dep atap öttı ol.
Būǧan deiın AQŞ prezidentı Donald Tramp biurokratiiamen küresu maqsatynda bırneşe memlekettık mekeme qyzmetın barynşa qysqartu turaly jarlyqqa qol qoiǧan bolatyn. Onyŋ ışınde AQŞ-tyŋ ǧalamdyq media agenttıgı (USAGM) de bar. Ol «Azat Europa/Azattyq radiosy» men «Amerika dauysyn» baqylaidy. Senbı künı Tramp äkımşılıgı «Azattyq radiosynyŋ» bükıl jelısın qarjylandyrudy toqtatqanyn jariialady.
