Şymkent qalasynda memleketke 640 mln teŋge zalal keltırgen kompaniia basşysy 3 jylǧa sottaldy. Būl turaly bügın, 17 nauryzda Şymkent qalalyq prokuraturasynyŋ baspasöz qyzmetı aitty, dep habarlaidy «Adyrna» tılşısı.
«A» JŞS qūrylys kompaniiasy ıs jüzınde jūmystar oryndamai, tauarlardy tiep-jöneltpei jalǧan şot-faktura jazǧan. Sonymen qatar kompaniia jūmysşylaryna zeinetaqy, äleumettık jäne jeke tabys salyǧyn tölemegen.
«Nätijesınde memleketke 640 million teŋgege zalal keltırıldı. Qala prokuraturasy osy faktı boiynşa Qazaqstan Respublikasy Qylmystyq kodeksınıŋ 216-babynyŋ 3-bölıgıne (asa ırı mölşerde ıs jüzınde jūmystar oryndalmai, qyzmetter körsetılmei, tauarlar tiep-jöneltılmei şot-faktura jazu boiynşa äreketter jasau) säikes sotqa deiıngı tergep-tekserudı bastap, ıstı sotqa joldady. 14 aqpandaǧy sot ükımımen «A» JŞS-nyŋ direktoryna 3 jyl merzımge bas bostandyǧynan aiyru jazasy taǧaiyndaldy»,—delıngen habarlamada.
