Qazaqstanda kreativtı industriiany damytu qory qūrylatyn bolady. Ol eldegı jetekşı şyǧarmaşylyq jäne bılım beru ūiymdarynyŋ qatysuymen qorporativtık qor retınde qūrylady. Būl jaiynda Mädeniet jäne aqparat ministrı Aida Balaeva Ükımet otyrysynda mälım ettı, dep habarlaidy “Adyrna” ūlttyq portaly.
Qor qyzmetın 4 negızgı baǧyt boiynşa jüzege asyrady. İdeiadan bastap daiyn önım men qyzmetke deiıngı barlyq kezeŋderdı qamtityn bolady:
- Talanttardy anyqtau (konkurstar, kreatondar, mobildı prodiuserlık ortalyqtar ūiymdastyru, öŋırlerde talanttardy ızdeu).
- Jobalardy damytu (startaptardy akselerasiialau jäne inkubasiialau, kommersiialandyru, investisiia tartu).
- İnfraqūrylymdy damytu (habtar jelısın keŋeitu, tūraqty art-alaŋdar qūru, memlekettık mülıkke qol jetkızudı qamtamasyz etu).
- Eksportqa qoldau körsetu (şeteldık auditoriiaǧa şyǧu, marketing jäne PR, avtorlyq qūqyqty qorǧau).
Ministr mūndai qūrylymdar älemnıŋ jetekşı elderınde de baryn aitady. Ūlybritaniiada – Creative England (Kreativ İngland) qory, Oŋtüstık Koreiada – Creative Korea (Kreativ Koreia) qory jūmys ısteidı. Būl qor korei mädeni tolqynyn damytudyŋ negızgı operatory sanalady.
Qazaqstandaǧy Kreativtı industriialardy damytu qorynyŋ biudjetı ūlttyq lotereia operatory qyzmetınen bölınetın 3% audarym esebınen qalyptastyrylady.
«Osyǧan bailanysty «Astana» halyqaralyq qarjy ortalyǧy (AHQO) bazasynda venchurlyq bölımşe qūrylyp, investisiialardy tiımdı basqaru üşın basqaruşy kompaniialar puly tartylady,- dep mälımdedı Balaeva.
