Jaŋa däuırdıŋ jaŋǧyrǧan özgerısterı üşın bärımız üles qosuymyz kerek - Qazybek İsa

Bügın Mäjılıstıŋ jalpy otyrysynda Mäjılıs  deputaty Qazybek İsa Memleket basşysynyŋ bastamasymen jüzege asyrylyp jatqan saiasi reformalardyŋ jäne el damuyndaǧy jaŋa özgerısterdıŋ maŋyzdylyǧyna toqtaldy. Deputattyŋ aituynşa, Prezident Qasym-Jomart Toqaevtyŋ bastamasymen jüzege asqan reformalary üş jyldyŋ ışınde el ömırıne ülken serpın berdı. Ata zaŋǧa tüzetuler engızıldı, Parlamenttıŋ ökılettıgı küşeidı, Konstitusiialyq sot qūryldy. Auyl äkımderın sailau jüiesı jaŋaryp, halyqtyŋ senımı artty. Memleketke qaitarylǧan zaŋsyz aktivter qūny 2 trillion teŋgeden asty. Ol Ädılettı Qazaqstan qaǧidatynyŋ negızgı tıregı – zaŋ men tärtıp ekenın atap öttı. «Ädılettı Qazaqstannyŋ bärıne bırdei «Zaŋ men tärtıp» qaǧidaty bolmasa, būlardyŋ bırı de bolmas edı. Däl osy prinsip Prezidenttıŋ basty jeŋısı dep bılemın. Ūlttyq qordan balalar bolaşaǧy üşın qarjy saludy  aldymen özderınıŋ jeke  bailyqtaryn köbeitudı oilaǧan būrynǧy bilık  eşqaşan boluy mümkın emestei körsetetın. Al qazır bärı de mümkın bolyp, är balanyŋ esepşotyna alǧaşqy salymdar tüsıp jatyr», – dedı Q.İsa. Sonymen qatar deputat ūlttyq damudyŋ negızı — ūlttyq ideologiia ekenıne nazar audardy. Memleket basşysynyŋ ışkı saiasat tūjyrymdamasyn jasau jönındegı tapsyrmasy ūlttyq ideologiianyŋ jaŋa kezeŋı ekenın jetkızdı. Ūlttyq bıregeilıktıŋ negızı – memlekettık tıl ekenın eske saldy. Qazybek İsa Konstitusiiaǧa engızılgen özgerısterdıŋ ışınde «Jer men jer qoinauy halyqqa tiesılı» degen qaǧidanyŋ tarihi maŋyzyn atap öttı. Sondai-aq deputat jaŋadan qūrylǧan Abai, Ūlytau jäne Jetısu oblystarynyŋ damuǧa serpın bergenıne män berdı. Prezidenttıŋ Torǧai öŋırın damytu bastamasy men Astanadan Arqalyq arqyly Transkaspii dälızıne şyǧatyn avtojol qūrylysy turaly şeşımın qoldaitynyn jetkızdı. «Elımızdı Jaŋa däuırge bastaityn saliqaly saiasi reforma, ūlttyq bırlık pen yntymaq üşın bärımız öz ülesımızdı qosuymyz kerek. Ol üşın Prezidenttıŋ janynda antyna adal, ısıne myǧym azamattardyŋ toptasuy qajet», – dedı Q.İsa.