Batys Qazaqstan oblysynyŋ äkımı Nariman Töreǧaliev Nauryz merekesı qarsaŋynda Oral qalasynyŋ tūrǧyndaryna 120 jaŋa päterdıŋ kıltın tabystady. Saltanatty räsım tūrǧyn üi infraqūrylymy qarqyndy damyp kele jatqan «Aqjaiyq» şaǧyn audanynda öttı.
Jaŋa qonys ielerın qūttyqtai otyryp, äkım azamattardy qoljetımdı baspanamen qamtamasyz etu Memleket Basşysy Qasym-Jomart Toqaev qoiǧan negızgı mındetterdıŋ bırı ekenın atap öttı.
Qazırgı taŋda Batys Qazaqstan oblysynda būl baǧytta jüielı jūmystar jürgızılude. 2024 jyly Oral qalasynda biudjet esebınen 628 päterlık bes köpqabatty tūrǧyn üi paidalanuǧa berıldı, al auyldyq jerlerde 805 tūrǧyn üi satyp alynyp, tūrǧyndarǧa tabystaldy. Sondai-aq, su tasqynynan zardap şekkender üşın 900 üi salynyp, 2 myŋnan astam päter satyp alyndy.
Biyl 19 köpqabatty tūrǧyn üidıŋ qūrylysyn aiaqtau josparlanuda, būl taǧy 950 otbasyny baspanamen qamtamasyz etedı.. Būdan bölek, respublikalyq biudjet esebınen äleumettık osal toptaǧy azamattar üşın 205 päter satyp alu közdelıp otyr.
“Bügın «Aqjaiyq» şaǧyn audanynda 120 päterlık jaŋa üidı paidalanuǧa berıp jatyrmyz. Būl Nauryz meiramy qarsaŋynda jerlesterımız üşın ülken quanyş. Mūnda barlyǧy 25 köpqabatty tūrǧyn üi salu josparlanuda. Jalpy, jyl soŋyna deiın biudjet qarajaty esebınen 1500-den astam päterdı paidalanuǧa beru josparlanuda. Qazırgı uaqytta onyŋ segızınıŋ qūrylysy aiaqtaldy. Sondai-aq üilerı qauıptı dep tanylǧan tūrǧyndarǧa 180 päter satyp alamyz», - dedı Nariman Töreǧaliev..
Jaŋa qonys ielerınıŋ bırı Gülzira Tūrtaeva öz äserımen bölısıp, memlekettık qoldaudyŋ maŋyzdylyǧyn atap öttı.
«Bügın – bızdıŋ otbasymyz üşın erekşe kün, sebebı bız öz baspanamyzǧa ie boldyq. Būl – bız köpten kütken armanymyz edı. Azamattarǧa osyndai mümkındık jasap otyrǧan Prezident Qasym-Jomart Kemelūlyna alǧysymyz şeksız», – dedı ol.
Aita keteiık, «Aqjaiyq» şaǧyn audany qarqyndy damyp keledı. Mūnda bılım beru, densaulyq saqtau, mädeniet jäne sport nysandaryn salu josparlanǧan.
2024 jyldyŋ soŋynda 150 oryndyq zamanaui oŋaltu ortalyǧy paidalanuǧa berıldı, al aldaǧy uaqytta halyqtyŋ ömır sapasyn arttyruǧa baǧyttalǧan jaŋa äleumettık maŋyzy bar nysandardyŋ qūrylysy qolǧa alynbaq.
