Türkiia prezidentı Rejep Taiyp Erdoǧan Ystambūlda Nauryz merekesıne orai ūiymdastyrylǧan şaraǧa qatysty, dep habarlaidy «Adyrna» tılşısı.
Haberler basylymynyŋ mälımetınşe, memleket basşysy 21 nauryzda Halich kongress ortalyǧynda jinalǧan azamattardy merekelerımen qūttyqtaǧan.
«21 nauryzdy köktem men bauyrlastyq merekesı dep jariialaudy ūsynamyn. Men prezident retınde būl ūsynysty parlamentke ūsynuǧa daiynmyn. Mamyr aiynda Vengriiada ötetın sammitte Nauryz merekesın türkı älemıne ortaq mereke retınde atap ötu bastamasyn köteremız. Bauyrlas elder būl ūsynysty maqūldap, Nauryz bırlıgımız ben yntymaǧymyzdy nyǧaituǧa qyzmet etetın türkı älemınıŋ ortaq merekesıne ainalady dep ümıttenemız»,—dedı ol merekelık şarada söilegen sözınde.
Sondai-aq prezident merekelık Nauryz otyn jaǧyp, onyŋ üstınen sekırıp öttı. Räsım barysynda qazaq kompozitory Talǧat Sarybaevtyŋ Mūqaǧali Maqataevtyŋ sözıne jazylǧan «Nauryz-duman» änı şyrqaldy
