Aqtöbe oblysynyŋ Qandyaǧaş qalasynda bolǧan jan türşıgerlık oqiǧaǧa qatysty därıgerler mälımet berdı, dep habarlaidy "Adyrna" ūlttyq portaly.
Būl oqiǧada äiel özınıŋ ekı kışkentai balasyn öltırdı degen küdıkke ılıngen edı.
Densaulyq saqtau basqarmasynyŋ mälımetınşe, jedel järdem toby oqiǧa ornyna jetken kezde balalarda tırşılık belgılerı bolmaǧan.
"Jedel järdem brigadasy körsetılgen mekenjaiǧa saǧat 13:25-te jettı. Därıgerler kelgen sätte balalardyŋ ekeuı de qaitys bolǧan. Aldyn ala mälımet boiynşa, olardy tūnşyqtyrǧan. Denelerınde asfiksiia belgılerı bolǧan", – dep habarlady vedomstvo.
Sondai-aq, basqarma derekterıne süiensek, qaza tapqan balalardyŋ anasy Qandyaǧaş qalasyna Atyrau oblysynan 14 nauryz künı ata-anasyna qonaqqa kelgen.
Resmi rastalmaǧan aqparatqa säikes, äiel öz balalaryn jastyqpen tūnşyqtyrǧan.
Eske sala keteiık, 23 nauryzda Qandyaǧaş qalasyndaǧy üilerdıŋ bırınde üş jastaǧy jäne 11 ailyq balalardyŋ ölı denesı tabylǧan edı. Olardy öltırgen küdıktı retınde analary ūstalǧan.
