Qostanai oblysynda kämelet jasyna tolmaǧan qyzdy zorlaǧan er adam ūstaldy. Būl turaly NeMolchi qory jazdy, dep habarlaidy “Adyrna” ūlttyq portaly.
Mälımet boiynşa, ögei qyzyn Lisakov qalasynyŋ tūrǧyny ärı tanymal käsıpker zorlady degen boljam bar.
Küdıktı qalalyq mäslihattyŋ būrynǧy deputaty boluy mümkın.
Qostanai oblysy polisiia departamentınıŋ habarlauynşa, küdıktı ūstaldy.
"16 jasqa tolmaǧan adamǧa qatysty jynystyq sipattaǧy äreketter jasau faktısı boiynşa sotqa deiıngı tergeu amaldary jürgızılıp jatyr. Qazırgı uaqytta qajettı tergeu amaldary jürgızılıp otyr. Küdıktı qamauǧa alynyp, sot qamauǧa alu türındegı būltartpau şarasyna sanksiia berdı", – delıngen habarlamada.
Olar ūstalǧannyŋ "jeke ūiymnyŋ qyzmetkerı" ekenın aitty. Tergeu müddesı üşın basqa mälımetter jariialanbaidy.
