BUU Bas Assambleıasy 25 qarashany 1999 jylǵy jeltoqsannyń 17-indegi 54/134 qararymen «Áıelderge qatysty zorlyq-zombylyqty joıýdyń halyqaralyq kúres kúni» dep jarııalaǵan bolatyn jáne memleketterge, halyqaralyq uıymdar men memlekettik emes uıymdarǵa bul kúni qoǵam nazaryn osy máselege aýdarýǵa arnalǵan sharalar ótkizýdi usyndy. Osyǵan baılanysty Mádenıet jáne aqparat mınıstri Aıda Balaeva genderlik zorlyq-zombylyqty joıý kúnine qatysty úndeý jasady, dep habarlaıdy «Adyrna» ulttyq portaly.
Mınıstrdiń aıtýynsha, kún saıyn júzdegen áıel fızıkalyq, psıhologııalyq, ekonomıkalyq nemese jynystyq zorlyq-zombylyqtyń qurbany bolady.
«Bul kún bizdiń zamanymyzdyń kúrdeli máselesi bolyp kelgen zorlyq-zombylyqqa qarsy kúreste kúsh biriktirýdiń mańyzdylyǵy men qajettiligin eske salady. Ajyrasý áıelderge qýǵyn-súrginnen qutylýǵa únemi kómektese bermeıdi. Olardyń kópshiligi únsiz qalady, uıalady nemese ne bolyp jatqanyn aıtýdan qorqady», - dedi Mádenıet mınıstri.
Aıta keteıik, buǵan deıin Qazaqstanda áıelderge qatysty zorlyq-zombylyqqa qarsy fleshmob bastalǵan bolatyn.
