بۇۇ باس اسسامبلەياسى 25 قاراشانى 1999 جىلعى جەلتوقساننىڭ 17-ىندەگى 54/134 قارارىمەن «ايەلدەرگە قاتىستى زورلىق-زومبىلىقتى جويۋدىڭ حالىقارالىق كۇرەس كۇنى» دەپ جاريالاعان بولاتىن جانە مەملەكەتتەرگە، حالىقارالىق ۇيىمدار مەن مەملەكەتتىك ەمەس ۇيىمدارعا بۇل كۇنى قوعام نازارىن وسى ماسەلەگە اۋدارۋعا ارنالعان شارالار وتكىزۋدى ۇسىندى. وسىعان بايلانىستى مادەنيەت جانە اقپارات ءمينيسترى ايدا بالاەۆا گەندەرلىك زورلىق-زومبىلىقتى جويۋ كۇنىنە قاتىستى ۇندەۋ جاسادى، دەپ حابارلايدى «ادىرنا» ۇلتتىق پورتالى.
ءمينيستردىڭ ايتۋىنشا، كۇن سايىن جۇزدەگەن ايەل فيزيكالىق، پسيحولوگيالىق، ەكونوميكالىق نەمەسە جىنىستىق زورلىق-زومبىلىقتىڭ قۇربانى بولادى.
«بۇل كۇن ءبىزدىڭ زامانىمىزدىڭ كۇردەلى ماسەلەسى بولىپ كەلگەن زورلىق-زومبىلىققا قارسى كۇرەستە كۇش بىرىكتىرۋدىڭ ماڭىزدىلىعى مەن قاجەتتىلىگىن ەسكە سالادى. اجىراسۋ ايەلدەرگە قۋعىن-سۇرگىننەن قۇتىلۋعا ۇنەمى كومەكتەسە بەرمەيدى. ولاردىڭ كوپشىلىگى ءۇنسىز قالادى، ۇيالادى نەمەسە نە بولىپ جاتقانىن ايتۋدان قورقادى»، - دەدى مادەنيەت ءمينيسترى.
ايتا كەتەيىك، بۇعان دەيىن قازاقستاندا ايەلدەرگە قاتىستى زورلىق-زومبىلىققا قارسى فلەشموب باستالعان بولاتىن.
