Mädeniet jäne aqparat ministrı Aida Balaeva soŋǧy uaqytta qoǧamda qyzu talqylanyp jatqan «Qazaqfilm» kinostudiiasyna qatysty pıkır bıldırdı.
Onyŋ aituynşa, studiiaǧa tiesılı jer satylmaǧan, al kinostudiiany Astanaǧa köşıru turaly aqparat şyndyqqa janaspaidy.
Ministr «Qazaqfilmnıŋ» jerı kinostudiia ielıgınde qala beretının jäne tek kinematografiia müddesı üşın paidalanylatynyn aitty.
"Būl mäsele töŋıregındegı negızsız qaueset bırjola toqtatyluy tiıs. «Qazaqfilmge» tiesılı jerler kinostudiia ielıgınde qala beredı. Jer satylǧan joq jäne tek kinematografiia müddesı üşın paidalanyluda", – dedı Aida Balaeva.
Kinostudiiany jöndeuge qomaqty qarjy saluǧa daiyn investorlardyŋ bar ekenı turaly aqparat naqty emes. Ministrlıktıŋ aituynşa, eşqandai resmi ūsynys nemese kepıldık hat tüspegen.
"Būl aqparat qoǧamda keŋ tarap jür, alaida mūndai mälımdemelerdı qūjattarmen nemese naqty kepıldıktermen rastai almaityn adamdar jasap otyr. Memleket, iaǧni Mädeniet jäne aqparat ministrlıgı naqty investorlarmen jūmys ısteuge daiyn. Degenmen äzırge eşqandai naqty ūsynys, bırde-bır kepıldık haty joq. Barlyǧy tek äŋgıme deŋgeiınde", – dedı ministr.
«Qazaqfilm» kinostudiiasyn elordaǧa köşıru turaly qaueset negızsız. Alaida «Qazaqanimasiia» şyǧarmaşylyq bırlestıgın Astanaǧa ornalastyru mäselesı qaralyp jatyr. Būl şeşım otandyq animasiia industriiasyn damytu maqsatynda qabyldanǧan.
"Qazırgı uaqytta elordaǧa «Qazaqanimasiia» şyǧarmaşylyq bırlestıgın köşıru mümkındıgı qarastyrylyp jatyr. Būl maŋyzdy jait – «Qazaqanimasiia» öndırıstık baza emes, animasiialyq kontent jasauǧa tapsyrystardy böletın qūrylym. Sondyqtan onyŋ Astanaǧa köşuı salanyŋ jūmysyna eş kedergı keltırmeidı", – dep tüsındırdı Aida Balaeva.
Ministrdıŋ aituynşa, Prezident qol qoiǧan jaŋa zaŋǧa säikes kinoindustriiany damytuǧa jyl saiyn bölınetın qarjynyŋ kemınde 30%-y «Qazaqfilmge» baǧyttalady. Sonymen qatar, kinostudiia halyqaralyq ärıptestermen bırlesıp filmder tüsırıp, qazaqstandyq kinony älemdık deŋgeide tanytuǧa küş salmaq.
"«Qazaqfilm» – jai ǧana kinostudiia emes, būl – qazaq mädenietınıŋ simvoly. Sondyqtan ony damytu – basym baǧyttyŋ bırı", – dedı ministr.
Qazırgı taŋda demeuşılerdıŋ kömegımen kinostudiiada soŋǧy 15 jylda jürgızılmegen jöndeu jūmystary bastaldy. Aida Balaeva «Qazaqfilmdı» käsıbi menedjer basqaruy tiıs ekenın jäne ministrlık kinostudiiany damytuǧa jan-jaqty qoldau körsetetının atap öttı.
"Ministrlık būl käsıporyndy rejisser nemese akter emes, kinostudiia qyzmetın tabysty ärı tiımdı jürgızuge qabılettı käsıbi menedjer basqaruy tiıs degen qaǧidany berık ūstanady", – dedı Balaeva.
