Ol – qazaq önerınde özındık orny bar aitysker aqyn, jyrau, halyqtyŋ ruhani mūrasyn nasihattauşy tūlǧa.
Nartai Bekejanov 1890 jyly qazırgı Qyzylorda oblysy, Şielı audanynda düniege kelgen. Jastaiynan aqyndyq pen änşılıkke jaqyn bolǧan ol suyrypsalma önerımen el ışınde keŋ tanyldy. Onyŋ şyǧarmalarynda halyqtyŋ tūrmys-tırşılıgı, zaman şyndyǧy, eldık mäseleler keŋınen körınıs tapty. Aqynnyŋ änderı erekşe maqamymen, äuezdılıgımen jäne tereŋ mazmūnymen erekşelenedı.
Aqyn 1935 jyly Şielı audanynda körkemdık jetekşı bolyp qyzmet atqaryp, keiın Qyzylordadaǧy estradalyq-konserttık zalda jūmys ıstedı. 1939 jyly Qazaq KSR-ınıŋ eŋbek sıŋırgen öner qairatkerı ataǧyna ie boldy. Mäskeude ötken Bükılodaqtyq auyl şaruaşylyǧy körmesınde, 1946 jyly qazaq ädebietı men önerınıŋ Mäskeudegı dekadasynda, sondai-aq respublikalyq aitystarda öner körsettı.
Nartai Bekejanovtyŋ şyǧarmalary qazaq än önerınıŋ altyn qoryna endı. Onyŋ «Tolqyn», «Nartai sazy», «Ahau, jalǧan» siiaqty änderı halyq arasynda keŋınen tanymal. Aqynnyŋ şyǧarmalary bırneşe ret jinaq bolyp jaryq kördı.
Öner qairatkerı «Qūrmet belgısı» ordenımen, medaldarmen jäne Qazaq KSR Joǧarǧy Keŋesınıŋ qūrmet gramotasymen marapattalǧan. Aqynnyŋ ömırı men şyǧarmaşylyǧy turaly Mūhamedjan Rüstemov «Nartai» atty biografiialyq eŋbek jazǧan.
2010 jyly Qazaqstanda Nartai Bekejanovtyŋ 120 jyldyǧy keŋ kölemde atalyp öttı.
