Qarapaiym bır jalau, eltaŋba nemese änūran – būlar tek resmi belgıler ǧana emes. Būl – halyqtyŋ jüregınde saqtalǧan tarih, ūrpaqtan-ūrpaqqa jalǧasqan mūra. Qazaqstan Respublikasynyŋ rämızderı de däl solai – täuelsızdıgımızdıŋ simvoly, ūltymyzdyŋ ainasy.
Kök tu – kök aspandaǧy täuelsızdık jyry. Tudy körgende eŋ aldymen közge tüsetını – onyŋ tūnyq kök tüsı. Būl tüs – beibıtşılık pen tūraqtylyqtyŋ belgısı, sonymen qatar qazaqtyŋ keŋ-baitaq dalasyndai şeksız kök aspannyŋ körınısı. Ortada altyn kün jarqyraidy, onyŋ astynda qyran qalyqtap tūr. Kün – ömır men molşylyqtyŋ belgısı, al qyran – erkındıktıŋ, täuelsızdıktıŋ simvoly. Qanşa dauyl soqsa da, qyran kök aspanda qanatyn keŋ jaiady, baǧytyn joǧaltpaidy. Qazaq halqy da däl sol sekıldı – taǧdyrdyŋ qandai synaǧy bolsa da, eŋsesın tıktep, alǧa qarai ūmtylǧan. Al endı tuymyzdyŋ sol jaq şetınde örnektelgen ūlttyq oiu-örnekke qaraŋyzşy! Būl bızdıŋ mädenietımızdıŋ ainasy emes pe? Babalarymyzdyŋ qoltaŋbasy, ūlttyq ruhymyzdyŋ bedelı!
Eltaŋba – eldıktıŋ belgısı. Kez kelgen memlekettıŋ jüregı – onyŋ eltaŋbasy. Al bızdıŋ Eltaŋbamyz erekşe! Ondaǧy şeksızdıktı meŋzeitın şeŋber – älemnıŋ tūtastyǧy men bırlıktı bıldıredı. Qos pyraq – erkındıkke degen ūmtylys pen qaisarlyqtyŋ belgısı. Qazaqtyŋ qanynda jylqyǧa degen süiıspenşılık būrynnan bar emes pe? Pyraq – arman, maqsat, biıkke samǧau! Ortasyndaǧy şaŋyraq – bırlık pen üidıŋ simvoly. Qazaq üşın şaŋyraq – qasiettı, ol bütın otbasynyŋ tıregı. Demek, Eltaŋba – eldıŋ tatulyǧy men bırlıgınıŋ aiǧaǧy.
Änūran – ruhty köterer ūlttyq ruh. «Menıŋ Qazaqstanym» änın estıgende boiyŋdy erekşe sezım bilemei me? Būl än – jürektıŋ ünı, eldıŋ dauysy. Änūran ärbır qazaqstandyqtyŋ boiyna maqtanyş pen jıger ūialatady. Ol bızge tek än emes, eldıktıŋ jyry, bolaşaqqa degen senım.
Rämızderge qūrmet – elge qūrmet! Rämız – tek resmi belgı emes, ol – ärbır azamattyŋ jüregındegı elge degen süiıspenşılık. Olarǧa tek qaǧazdaǧy suret dep qarauǧa bolmaidy. Būl – bızdıŋ ūltymyzdyŋ maqtanyşy, ruhymyzdyŋ beinesı. Sondyqtan Qazaqstannyŋ ärbır azamaty öz rämızderın qūrmettep, onyŋ mänı men maŋyzyn tüsınuı kerek. Sebebı rämızder – ūlttyŋ ainasy!
Aigül Mūratqyzy
