Atyrauda bet-jüzın tūmşalaǧan bırneşe boijetkennıŋ Qazaqstan tuyn özgertılgen nūsqada ūstaǧan fotosy äleumettık jelıde tarap, qoǧamnyŋ qyzu talqysyna tüstı. Tudyŋ joǧarǧy bölıgıne arabşa jazu men qylyş beinesı qosylǧan, dep habarlaidy "Adyrna" ūlttyq portaly.
Oqiǧa Atyraudaǧy Hiuaz Dospanova atyndaǧy Mūz saraiynda bolǧan boluy mümkın. Atyrau oblystyq polisiia departamentınıŋ mälımetınşe, suretke tüsken tört küdıktı anyqtalyp, olar polisiia bölımşesıne jetkızılgen. Olardyŋ ekeuı – jasöspırım.
"Äleumettık jelıde taraǧan jazba boiynşa «Memlekettık rämızderdı qorlau» babymen qylmystyq ıs tırkelıp, sotqa deiıngı tergeu amaldary jürgızılıp jatyr. Jasöspırımderden jauap alu ata-anasynyŋ qatysuymen jürgızılude. Tergeu müddesıne säikes özge aqparat jariialanbaidy," – delıngen polisiia habarlamasynda.
Prezident Qasym-Jomart Toqaev būǧan deiın ūlttyq kiımder men ūlttyq bolmys turaly pıkır bıldırgen bolatyn.
"Bet-jüzdı tūmşalaityn qara kiımnen görı özımızdıŋ ūlttyq kiımderımız äldeqaida artyq. Äsırese, äielderdıŋ dästürlı kiımı öte ǧajap körınedı. Sebebı ūlttyq kiım – būl bızdıŋ bıregei ūlttyq bolmysymyzdyŋ maŋyzdy körınısı. Ony jan-jaqty därıpteuımız kerek," – degen edı Memleket basşysy Ūlttyq qūryltaida.
Qazırgı taŋda Qazaqstan Respublikasynyŋ memlekettık rämızderın qorlau qylmystyq jauapkerşılıkke tartylatyn äreket bolyp sanalady. Tergeu nätijelerı boiynşa naqty şeşım qabyldanbaq.
Ūqsas jaŋalyqtar
