İzrail Rafah qalasynda qūrlyq operasiiasyn bastaǧanyn habarlady

İzrail bilıgı Gaza sektorynyŋ oŋtüstıgındegı Rafah qalasynda qūrlyq operasiiasyn bastaǧanyn mälımdedı, dep habarlaidy “Adyrna” ūlttyq portaly 24KZ-ke sılteme jasap. İzrail Qorǧanys armiiasynyŋ resmi Telegram-kanalynda būl operasiia aimaqtaǧy qauıpsızdık aimaqtaryn keŋeitu maqsatynda jürgızılıp jatqany aitylǧan. Sondai-aq, äskeri äreketter barysynda HAMAS qozǧalysynyŋ infraqūrylym nysandary joiylǧany habarlandy. İzrail äskerı  basqa qalalarǧa äue soqqylaryn jalǧastyruda. Al Jazeera telearnasynyŋ mälımetınşe, soŋǧy täulıkte būl şabuyldar saldarynan 24 palestinalyq qaza tapqan. Eske salaiyq, İzrail 18 nauryzda HAMAS-qa qarsy äskeri qimyldaryn qaita jalǧastyrǧan bolatyn. Būl şeşım HAMAS qozǧalysynyŋ tūtqyndardy bosatudan bas tartyp, bıtımge kelu turaly jaŋa kelısımdı qabyldamauyna bailanysty qabyldanǧan.