Premer-ministrdıŋ orynbasary – Ūlttyq ekonomika ministrı Serık Jūmanǧarin äleumettık jelılerdegı zaŋsyz lotereialar men ūtys oiyndaryn baqylaudy küşeituge qatysty deputattardyŋ saualyna jauap berdı, dep habarlaidy «Adyrna» tılşısı.
Aituynşa, qazaqstandyq blogerlerge qaznette ūtys oiyndaryn ötkızu zaŋsyz ekendıgı turaly tüsındıru jūmystary jürgızılıp jatyr. Odan bölek, zaŋbūzuşylyqtardy anyqtau üşın internet keŋıstıgı täulık boiy baqylanady.
«Jyl basynan berı monitoring barysynda 1870 internet-alaiaqtyq faktısı anyqtaldy.Onyŋ ışınde 389 faktı äleumettık jelıde bolsa, 1480 resurs pen sıltemege kıruge şekteu qoiylǧan. Onlain-kazino qyzmetı boiynşa 8616 jaǧdai anyqtaldy, onyŋ 6399-y äleumettık jelılerde, 2195 internet-resurstar men sıltemelerge şekteu qoiyldy. Zaŋǧa säikes, infliuenser (bloger) – belgısız adamdar tobyna arnap onlain-platformada aqparat jariialaityn jäne ony käsıpkerlık maqsatta paidalanatyn adam. Qazaqstan zaŋnamasy infliuenserlerdıŋ käsıpkerlık qyzmetın retteidı jäne sifrlyq ortadaǧy zaŋsyz lotereialar men basqa da qūqyq būzuşylyqtar üşın jauapkerşılık belgıleidı»,– dedı şeneunık.
Ol zaŋsyz lotoreia ötkızgenderge 100-den 2000 ailyq eseptık körsetkışke deiıngı mölşerde aiyppūl salynyp, zaŋsyz tabys tärkılenetının mälımdedı. Jūmanǧarin qazırgı uaqytta «Sättı Jūldyz» aksionerlık qoǧamy ǧana resmi lotereia operatory ekenın atap öttı.
