Almaty oblysy, Kegen audanyna qarasty Saty auylynda zirattardy qiratqan küdıktı öz äreketıne qatysty pıkır bıldırdı, dep habarlaidy”Adyrna” ūlttyq portaly.
Äleumettık jelılerde taraǧan videoda ol 2003 jyly düniege kelgenın aityp, ıstegen ısın dıni nanym-senımmen bailanystyrady.
Ol dındegı eŋ auyr künänıŋ bırı – Allaǧa serık qosu ekenın aityp, paiǧambarlar ısınen mysal keltıruge tyrysqan. Küdıktı öz äreketın de paiǧambarlarǧa elıkteumen tüsındıredı.
Jaǧdaiǧa qatysty jurnalist Dias Nūraqyn Facebook paraqşasynda pıkır bıldırdı.
“Ötkende Saty auylyndaǧy qūlyptastardy qiratqan osy jıgıt eken. Söz saptauynan-aq soqyr senımge, terıs uaǧyzǧa toiyp alǧany baiqalady. Qabırdı qorladym, ölılerdıŋ äruaǧyn mazaladym dep qaimyǧyp tūrǧan joq. Kerısınşe öz ısınıŋ dūrystyǧyna masattanyp otyr. Mülde oqymaǧan adamǧa qaraǧanda bır ǧana kıtap oqyǧan adam qauıptı dep qalai tauyp aitqan iä dana qazaq?!” - dep jazdy ol.
Eske sala ketsek, būǧan deiın Saty auylynda bırqatar zirattardyŋ būzylǧany, qūlpytastardyŋ qiraǧany turaly habar taraǧan bolatyn. Küdıktınıŋ būǧan deiın äldebır oǧaş qylyqtarymen tanylǧany nemese äldebır esepte tūratyny turaly habarlanbady.
Ūqsas jaŋalyqtar
