El öŋırlerınde otandyq kinony ılgerı letu jūmystary jalǧasuda. Būl – maŋyzdy mındet, onyŋ oryndaluy qazaqstandyq kinematografiiany jaŋa deŋgeige köteruge mümkındık beredı, ärı ärbır filmge öz körermenın tabuǧa septesedı.
Memleket basşysy Qasym-Jomart Toqaev Ūlttyq qūryltaidyŋ törtınşı otyrysynda kino industriianyŋ damuyn erekşe atap ötken bolatyn.
4 säuırde Soltüstık Qazaqstan oblysynda qazaq kinosynyŋ künderı bastaldy. Basty maqsat – köpşılıktı daryndy jerles rejisserlermen jäne olardyŋ kartinalarymen tanystyru. Däl osy filmder el mädenietın aşyp körsetedı. Köptegen kartinalar memleket tarihyndaǧy negızgı kezeŋderdı baiandap, körnektı qoǧam qairatkerlerınıŋ ömırı men qyzmetın tanystyrady.
«Qazırgı uaqytta Mädeniet jäne aqparat ministrı Aida Ǧalymqyzy Balaeva otandyq kinony damytuǧa erekşe köŋıl bölude. Bız Ortalyqtyŋ qoldauymen tüsırılgen barlyq jobanyŋ körermenge jetuın qalaimyz. Oblys ortalyǧynda ǧana emes, audandarda, auyldarda da būl baǧyttaǧy jūmysty tūraqty negızde jürgızetın bolamyz», – dedı Ūlttyq kinony qoldau memlekettık ortalyǧy KEAQ Basqarma töraǧasy Qūrmanbek Jūmaǧali.
Sonymen qatar Ūlttyq kinony qoldau ortalyǧy respublikalyq qana emes, öŋırlık telearnalarmen de belsendı ärıptestık ornatqan. Soltüstık Qazaqstan telearnalarynda otandyq filmder üzbei körsetılıp jür. Qazaq kinosynyŋ on kündıgı aiasynda «Qyzyljar Creative Center» ortalyǧynda «Pervyi Severnyi» telearnasymen yntymaqtastyq memorandumyna da qol qoiyldy.
Otandyq kino on kündıgınıŋ bırınşı künı körermenderge rejisser Serıkbol Ötepbergenovtyŋ «Patriottar uaqyty» filmı körsetıldı. Būl – terrorizmge qarsy küres pen otbasylyq qūndylyqtar turaly ekşn-film. Kinokartinanyŋ siujetı ekı aǧaiyndy arasynda örbidı. Ülkenı barlau qyzmetınde, al kışısı joiǧyş ūşqyş bolyp qyzmet etedı. Olardyŋ äkesı şaiqasta qaza tapqan. Ony eske alu jäne äskerdegı qyzmet – aǧaiyndylardy bırıktıretın jalǧyz dünie.
«Mūndaǧy moral – bız ūltqa, dınge bölınbesten jūdyryqtai jūmyluymyz kerek. Būl filmdı tüsıru üşın bızge bır jyl qajet boldy. Kompiuterlık grafika köp uaqyt talap ettı. Būl – ūzaq prosess, bıraq sonyŋ arqasynda film anaǧūrlym äserlı boldy», – dedı rejisser Serıkbol Ötepbergenov.
On kündıktıŋ aşylu saltanatyna SQO äkımı apparatynyŋ basşysy Ruslan Älışev qatysty. Ol öŋır äkımınıŋ atynan qatysuşylardy qūttyqtap, otandyq kinematografiiany nasihattau jönındegı jūmystyŋ maŋyzyn atap öttı.
«Būl öskeleŋ ūrpaqty tärbieleu, qoǧamdyq sanany qalyptastyru üşın zor maŋyzǧa ie. Öŋırlerde memleket esebınen tüsırılgen filmderdı körsetu ideiasyn oŋ baǧalaimyz. Bızdıŋ kinokompaniialar sapaly kartinalar şyǧara otyryp, älemdık kino prokatta da öz ornyn qalyptastyruda.
Qazaqstanda qazır kino industriiany damytu üşın barlyq jaǧdai jasalǧan, bızdıŋ jaŋa şyǧarmaşylyq ortalyǧymyz da osy maqsattarǧa jauap beredı. Bızde ülken josparlar, tamaşa ideialar men käsıbi akterler bar», – dedı ol.
Kino künderı aiasynda ärtürlı janrdaǧy filmder ūsynylmaq. Jekelei jıktesek, «Jambyl. Jaŋa däuır», «Dos-Mūqasan» arqyly tūlǧalarymyzdyŋ jürıp ötken jolyna qanyǧuǧa bolady. Al «Bauyryna salu» dep atalatyn kinoda dästürımız därıptelıp, ūltqa degen süiıspenşılık sezımı eselenbek. Kışkentai körermenderge «Taiqazan» dep atalatyn animasiialyq tuyndy körsetıledı.
Aita keteiık, būǧan deiın Kino ortalyǧynyŋ qoldauymen 117 kartinanyŋ öndırısı aiaqtaldy. Onyŋ 72-sı – körkem, 37-sı – derektı, 8-ı – animasiialyq filmder.
Ūqsas jaŋalyqtar
