14 mamyrda qazaq kino önerınıŋ körnektı ökılı, Qazaq KSR halyq ärtısı Nūrjūman Yqtymbaev 85 jasqa toldy, dep habarlaidy "Adyrna" ūlttyq portaly.
Jarty ǧasyrdan astam uaqytyn kino salasyna arnaǧan akter ūlttyq kinematografiianyŋ damuyna ölşeusız üles qosyp, qazaq önerınıŋ tarihynda özındık ız qaldyrdy.
Nūrjūman Yqtymbaev Almaty oblysy Kerbūlaq audanyndaǧy Altynemel öŋırınde düniege kelgen. Bala kezınen halyq auyz ädebietıne jaqyn bolyp ösken ol «Alpamys», «Qobylandy», «Qyz Jıbek» sekıldı jyr-dastandardy jatqa aityp, auyl arasyndaǧy öner keşterıne qatysqan.
1957 jyly Almatyǧa kelıp, horeografiialyq uchilişege tüsken. Ol qazaq önerınıŋ belgılı ökılderı Ǧarifolla Qūrmanǧaliev pen Ūlyqpan Qūbyşev ūstazdardan tälım aldy.
Akterdıŋ kino älemıne keluıne Sara Jorabaeva yqpal etken. Keiın Abdolla Qarsaqbaev tüsırgen Qily kezeŋ filmı arqyly onyŋ kinodaǧy joly bastaldy.
Nūrjūman Yqtymbaev "Atamannyŋ aqyry", "Mänşük turaly jyr", "Nan dämı", "Kökserek", "Balalyq şaqqa saiahat" sekıldı tuyndylardaǧy rölderı arqyly keŋınen tanyldy. «Nan dämı» filmındegı rölı üşın KSRO Memlekettık syilyǧyn ielenıp, qazaq akterlerı arasyndaǧy bedeldı marapat ielerınıŋ bırıne ainaldy.
Öner iesı halyqaralyq kino jobalaryna da qatysyp, Jerar Deparde men Keri-Hiroiuki Tagava sekıldı älemdık deŋgeidegı akterlermen bırge jūmys ıstedı. Ol Gollivud jobalaryna qatysqan alǧaşqy qazaq akterlerınıŋ bırı retınde atalady.
