Qazaqtyŋ aqiyq aqyny, mūzbalaǧy Mūqaǧali Maqataev 90 jasqa toldy, dep habarlaidy "Adyrna" tılşısı.
1931 jyly Narynqol öŋırınıŋ Qarasaz auylynda dünie esıgın aşqan aqynnyŋ balalyq şaǧy sūm soǧyspen dälme-däl keldı. Jastaiynan eŋbekke aralasyp, qalamgerlıkke bet būrady.
Mūqaǧali Maqataev alpysynşy jyldardyŋ basynda «Sosialistık Qazaqstan» (qazırgı «Egemen Qazaqstan») gazetınde, 1963-1965 jyldary «Mädeniet jäne tūrmys» (qazırgı «Parasat»), 1965-1972 jyldary «Jūldyz» jurnaldarynda, 1972-1973 jyldary Qazaqstan Jazuşylar odaǧynda qyzmet atqarǧan.
Qazaq poeziiasynyŋ qaitalanbas qaisary Mūqaǧali Maqataevtyŋ bır şumaq öleŋın bılmeitın qazaq joq bolar. Öleŋge ömırın arnaǧan aqynnyŋ bıregeiı. Densaulyŋy syr berıp, degbırı qaşqan kezınde de qalamynyŋ siiasyn öşırmedı.
"Bary aqiqat bır derttıŋ jüregımde,
Därıger-au,arqalap jüremın be?
Sorlaityndai sonşama kım edım men,
Hege aianyş atasyŋ ıreŋıŋnen?", - äserlı öleŋ şumaǧy aqynnyŋ "Joq, därıgerınen" keltırılgen üzındı. Aurumen arpalysyp, ömırden 45 jasynda-aq qoştasqan aqyn el esınen ūmytylmasy anyq.
Almaty qalasy mädeniet basqarmasynyŋ qoldauymen jäne Almaty telearnasynyŋ aqparattyq demeuımen aqiyq aqyn Mūqaǧali Maqataevtyŋ 90 jyldyǧyna orai, "Esıŋe menı alǧaisyŋ " atty aqyn öleŋderın mänerlep oqudan respublikalyq onlain baiqau jariialandy. Būl aqyn öleŋderın süiıp oqityn oqyrman üşın ülken mümkındık. Jeŋımpazǧa bır million teŋge kölemınde syiaqy berılmek.
"Bügın menıŋ tuǧan künım oi pälı-ai,
Myna halyq nege jatyr toilamai.
Banket jasap berer edım özım-aq,
Täŋırdıŋ bır jarytpai-aq qoiǧany-ai",- dep jyrlaǧan Mūqaŋnyŋ tuǧan künın barşa halqy toilauda. Öner iesınıŋ öleŋın de, ömırın de öz süigen elı önege eterı anyq.
"Adyrna" ūlttyq portaly
Ūqsas jaŋalyqtar
