قازاقتىڭ اقيىق اقىنى، مۇزبالاعى مۇقاعالي ماقاتاەۆ 90 جاسقا تولدى، دەپ حابارلايدى "ادىرنا" ءتىلشىسى.
1931 جىلى نارىنقول ءوڭىرىنىڭ قاراساز اۋىلىندا دۇنيە ەسىگىن اشقان اقىننىڭ بالالىق شاعى سۇم سوعىسپەن دالمە-ءدال كەلدى. جاستايىنان ەڭبەككە ارالاسىپ، قالامگەرلىككە بەت بۇرادى.
مۇقاعالي ماقاتاەۆ الپىسىنشى جىلداردىڭ باسىندا «سوتسياليستىك قازاقستان» (قازىرگى «ەگەمەن قازاقستان») گازەتىندە، 1963-1965 جىلدارى «مادەنيەت جانە تۇرمىس» (قازىرگى «پاراسات»), 1965-1972 جىلدارى «جۇلدىز» جۋرنالدارىندا، 1972-1973 جىلدارى قازاقستان جازۋشىلار وداعىندا قىزمەت اتقارعان.
قازاق پوەزياسىنىڭ قايتالانباس قايسارى مۇقاعالي ماقاتاەۆتىڭ ءبىر شۋماق ولەڭىن بىلمەيتىن قازاق جوق بولار. ولەڭگە ءومىرىن ارناعان اقىننىڭ بىرەگەيى. دەنساۋلىڭى سىر بەرىپ، دەگبىرى قاشقان كەزىندە دە قالامىنىڭ سياسىن وشىرمەدى.
"بارى اقيقات ءبىر دەرتتىڭ جۇرەگىمدە،
دارىگەر-اۋ،ارقالاپ جۇرەمىن بە؟
سورلايتىنداي سونشاما كىم ەدىم مەن،
Heگe ايانىش اتاسىڭ ىرەڭىڭنەن؟", - اسەرلى ولەڭ شۋماعى اقىننىڭ "جوق، دارىگەرىنەن" كەلتىرىلگەن ءۇزىندى. اۋرۋمەن ارپالىسىپ، ومىردەن 45 جاسىندا-اق قوشتاسقان اقىن ەل ەسىنەن ۇمىتىلماسى انىق.
الماتى قالاسى مادەنيەت باسقارماسىنىڭ قولداۋىمەن جانە الماتى تەلەارناسىنىڭ اقپاراتتىق دەمەۋىمەن اقيىق اقىن مۇقاعالي ماقاتاەۆتىڭ 90 جىلدىعىنا وراي، "ەسىڭە مەنى العايسىڭ " اتتى اقىن ولەڭدەرىن مانەرلەپ وقۋدان رەسپۋبليكالىق ونلاين بايقاۋ جاريالاندى. بۇل اقىن ولەڭدەرىن ءسۇيىپ وقيتىن وقىرمان ءۇشىن ۇلكەن مۇمكىندىك. جەڭىمپازعا ءبىر ميلليون تەڭگە كولەمىندە سىياقى بەرىلمەك.
"بۇگىن مەنىڭ تۋعان كۇنىم وي ءپالى-اي،
مىنا حالىق نەگە جاتىر تويلاماي.
بانكەت جاساپ بەرەر ەدىم ءوزىم-اق،
ءتاڭىردىڭ ءبىر جارىتپاي-اق قويعانى-اي",- دەپ جىرلاعان مۇقاڭنىڭ تۋعان كۇنىن بارشا حالقى تويلاۋدا. ونەر يەسىنىڭ ولەڭىن دە، ءومىرىن دە ءوز سۇيگەن ەلى ونەگە ەتەرى انىق.
"ادىرنا" ۇلتتىق پورتالى
