Memleket basşysy Qasym-Jomart Toqaev «Aqtau – türkı älemınıŋ 2025 jylǧy mädeni astanasy» gala-konsertınıŋ aşylu saltanatyna orai arnaiy qūttyqtau hatyn joldady. Prezidenttıŋ atynan joldanǧan hatty Mädeniet jäne aqparat ministrı Aida Balaeva oqyp berdı, dep habarlaidy "Adyrna" ūlttyq portaly.
«Sızderdı Aqtau qalasynyŋ türkı älemınıŋ 2025 jyly mädeni astanasy atanuymen qūttyqtaimyn. Būl – Qazaqstan üşın ǧana emes, barşa bauyrlas elder üşın aituly oqiǧa», – delıngen hatta.
Prezident öz sözınde Maŋǧystau men Üstırt öŋırlerınıŋ türkı örkenietı üşın maŋyzdylyǧyn atap öttı. Būl qasiettı ölkede ūlttyŋ jäne bükıl türkı düniesınıŋ san ǧasyrlyq ruhani mūrasy saqtalǧanyn eske saldy.
«Tarihy tamyrlas, dästürı sabaqtas halyqtardyŋ yntymaqtastyǧyn odan ärı nyǧaitu – barşamyzdyŋ ortaq mındetımız. Osy atauly jylda bauyrlastyǧymyzdy bekemdei tüsetın basqosular ūiymdastyrylyp, maŋyzdy şeşımder qabyldanady dep senemın», – dedı Memleket basşysy.
Sondai-aq, ol türkı memleketterınıŋ özara yqpaldastyǧyn nyǧaituǧa üles qosyp jürgen TÜRKSOI ūiymyna jäne ıs-şarany ūiymdastyruǧa atsalysqan barlyq azamattarǧa rizaşylyǧyn bıldırdı.
«Tübı bır türkı jūrtynyŋ bırlıgı nyǧaia bersın. Barşaŋyzǧa baq-bereke, tolaiym tabys tıleimın», – dep qorytyndylady Toqaev.
Aita keteiık, būǧan deiın Aqtauda türkı älemıne arnalǧan auqymdy gala-konserttıŋ bastalǧany habarlanǧan bolatyn. Keş barysynda körermender Dimaş Qūdaibergendı erekşe yqylaspen qarsy aldy.
