6 säuır künı audan ortalyǧynda «Auyl — bereke men bırlıktıŋ qainar közı» atty I auylnailar forumy öttı. Forumǧa audan äkımı Aslanbek Sarqūlov, audandyq mäslihat töraǧasy Sarsenbai Moldaşev, audan äkımınıŋ orynbasarlary, bölım jäne mekeme basşylary, okrug äkımderı men eldı mekenderdıŋ auylnailary qatysty.
Audanymyzda alǧaş ret ūiymdastyrylyp otyrǧan forumnyŋ kün tärtıbınde auylnailardyŋ jūmysyn jetıldıru, audanymyzda atqarylyp jatqan jūmystar, eldı mekenderdıŋ äleuetın arttyru mäselelerı talqylandy.
Audan äkımı Aslanbek Sarqūlov forumda söilegen sözınde auqymdy ıs-şaranyŋ Memleket basşysynyŋ «Halyq ünıne qūlaq asatyn memleket» tūjyrymdamasymen ūştasyp otyrǧanyn atap öttı.
— Kaztalov audany boiynşa eldı-mekenderdıŋ auylnailarynyŋ maqsaty men mındetterın aiqyndap, aldaǧy josparlardy talqylau maqsatynda jinalyp otyrmyz. Prezidentımız «Şyn mänınde «Halyq ünıne qūlaq asatyn memleket» pen ädılettı qoǧam qūru jolynda özara yntymaqtastyq maŋyzdy röl atqarady», degen bolatyn. Bügıngı forum azamattyq qoǧam qalyptastyrudyŋ aiqyn körınısı. Auylnailar jergılıktı äkımdıkpen, deputattarmen, qoǧamdyq keŋes müşelerı, käsıpkerler, şarua qojalyqtar jäne auyl tūrǧyndarymen tyǧyz bailanysta jūmys ısteidı. Onyŋ qyzmetı auyldyq jerlerdıŋ örkendeuıne jäne tūrǧyndardyŋ äl-auqatyn arttyruǧa baǧyttalǧan, — degen audan äkımı auylnailarǧa kuälık tabys ettı.
Audanymyzda 47 elı meken, 16 okrug otalyǧy bar. Okrug ortalyqtarynan bölek 31 eldı-mekende auylnailar belgılenıp jūmystaryn atqaryp keledı. Auyldyq okrugterdegı jäne eldı mekendegı qauymdastyqtyŋ jinalystarynyŋ hattamalary negızde är auyldan auylnailar ūsynyldy.
Forumda söz alǧan audan äkımınıŋ orynbasary Serık Qaiyrliev auylnaidyŋ qyzmetı men mındetterıne, ideologiialyq baǧytta atqarylyp jatqan jūmystarǧa toqtalsa, audan äkımınıŋ orynbasary Aidar Meneev audannyŋ äleumettık-ekonomikalyq damuy jönınde baiandady. Serık Erbolatūly öz sözınde qoǧamdyq tärtıp jäne tūrmystyq qauıpsızdıktı qamtamasyz etu, destruktivtı dıni aǧymdardyŋ aldyn alu, jastarmen bırge jūmys atqaryp, qoǧamdyq şaralar men äleumettık qoldau şaralaryna belsene atsalysuǧa, auyldy örkendetuge, memlekettık baǧdarlamalarǧa qatysuǧa şaqyrdy.
— Audanymyzdyŋ äleumettık-ekonomikalyq damuy, qoǧamnyŋ saiasi tūraqtylyǧy, halyqtyŋ bırlıgı men yntymaǧy – bärımız üşın basty qūndylyq. Qoǧamdyq tärtıptı saqtau, jastardy dūrys tärbieleu, halyqtyŋ äl-auqatyn jaqsartu – auyl äkımderınıŋ, deputattardyŋ dän är auylnaidyŋ negızgı mındetı. Qoǧamdy äleumettık jaǧynan qoldap, infraqūrylymdy damytu jäne mädeni qūndylyqtardy saqtau – auyldarymyzdyŋ örkendeuıne tıkelei yqpal etedı. Ärqaisymyz öz auylymyzdyŋ damuyna jauaptymyz! Bırlesıp jūmys jasap, audanymyzdyŋ äleumettık ahualyn jaqsartuǧa atsalysaiyq!, — dedı ol.
Jiynda Jaŋajol auyldyq okrugınıŋ Äbış auylynyŋ auylnaiy Abat Sarsenov, Bolaşaq auyldyq okrugınıŋ Köpkütır auylynyŋ auylnaiy Artur Dauletov, Qarasu auyldyq okrugınıŋ Jūldyz auylynyŋ auylnaiy Janbolat Ahmetqaliev, Qaraoba auyldyq okrugınıŋ Qonysbai auylynyŋ auylnaiy Nūrhat Egızov, Kaztalov auyldyq okrugınıŋ Qonys eldı mekenınıŋ auylnaiy Ädıl Hairullin söz söilep, bastamaǧa qoldau bıldırdı.
— Būqar jyrau babamyz «Auylda adam bar bolsa — auyl ada bolmaidy, El iesı bar bolsa — elı ala bolmaidy», - degen. Bügınde 58 aulaly auylymyzda memlekettıŋ qoldauymen jäne auyl azamattarynyŋ bastamasymen bıraz ılkımdı ıster atqaryluda. Aldymen auyldyŋ halyq sanyn arttyru, mekteptıŋ jabylyp qalu qaupınıŋ aldyn alu maqsatyndaǧy jäne auyldy damytuǧa baǧyttalǧan «Qaladan-auylǧa» baǧdarlamasyn atap ötkım keledı. Jalpy ötken jyly auylymyzda 6 üi boi köterdı. Onyŋ 2-uı «Qaladan-auylǧa» baǧdarlamasymen köşıp kelgen otbasylarǧa berılse, 2-uı tūrǧyn üi kezegındegı otbasylarǧa berıldı. Jeke ekı üi salyndy. Jalpy halyqtyŋ äl-auqatyn arttyruǧa baǧyttalǧan igı baǧdarlamalar üşın Memleket basşysy Qasym-Jomart Kemelūlyna, memlekettık baǧdarlamalardan auylymyzdy da nazardan tys qaldyrmai, tızımge qosyp, jüielı jūmystar atqarǧany üşın öŋır jäne audan basşylyǧyna alǧysymyz şeksız. Bügıngı forum öte joǧary deŋgeide ötude. Men būl forum jergılıktı atqaruşy organ men eldı mekenderdıŋ auylnailarynyŋ pıkır alaŋyna ainalady dep senemın. «Keŋesken elde kemdık joq» degendei auyldaǧy mäselenı bırlesıp şeşıp, auyldy bırge damytuǧa, örkendetuge küş salaiyq!, — degen auylnai jaŋa mektep salu, taza auyz sumen qamtamasyz etu, internet jelısınıŋ qajettılıgı syndy auyldaǧy özektı mäselelerdı atap öttı.
Forum aiasynda audandaǧy tüitkıldı mäseleler de talqylandy. Sonymen qatar eldı mekenderdıŋ äleuetın arttyru maqsatynda «Üzdık auyl», «Üzdık auylnai» syndy jobalardy jüzege asyru, auylnailar arasynda seminar ūiymdastyru jönınde ūsynystar aityldy.
Ötken jyly öŋır basşysy Nariman Töreǧaliūlynyŋ bastamasymen jüzege asqan «Qaladan-auylǧa» baǧdarlamasyn audanda jüzege asyruda üzdık nätije körsetken Bolaşaq jäne Taldyapan auyldyq okrugterınıŋ äkımdıkterıne jaŋa avtokölıktıŋ kıltı tabystaldy.
