Oral qalasyndaǧy №481 sailau uchaskesınde sailauşylar tarihqa deiıngı erekşe sättıŋ kuäsı boldy. Iýra däuırınen kelgen qonaqtar ejelgı kesırtkelerge tän dybystar şyǧaryp, sailau uchaskesıne kırıp, biulleten alyp, öz taŋdaularyn jasady.
Alaida jūrtşylyqtyŋ zor yqylasyna bölengen olar uchaskeden bırden şyǧyp kete almady. Estelıkke suretke tüskısı kelgenderdıŋ qarasy köp boldy.
№481 sailau uchaskesı qalanyŋ qarqyndy damyp kele jatqan audanynda ornalasqan. Mūnda kışkentai balalary bar otbasylar köp tūrady. Sailau künı olar da üilerınde qalmai, ata-analarymen bırge dauys beruge keldı. Sondyqtan animatorlardyŋ būl kreativtı ideiasy köpşılık köŋılınen şyqty.
«Balalarǧa sailauǧa kelgen qyzyq bolady dep oilaǧanbyz. Bıraq olarǧa sonşalyqty ūnaidy dep kütpedık», — deidı balalarymen bırge dauys beruge kelgen qala tūrǧyny.
Kostiumdık qoiylymdy ūiymdastyrǧan jastardyŋ aituynşa, olar sailau uchaskesındegı resmi ärı baiypty atmosferany azdap köŋıldı körınıspen ärleudı ǧana qalaǧan.
«Dauys beruge tek eresekter qatysa alady. Al balalar qaitpek? Olarǧa da qyzyqty boluy kerek», — dedı dinozavrlardyŋ bırı.
