«Atameken» öner ordasynda «Altyn köpır» halyqaralyq forumy öttı. Oǧan oblys äkımı Nariman Töreǧaliev, qūramynda qoǧamdyq ūiym köşbasşylary, qazaq diasporasynyŋ ökılderı bar Resei Federasiiasy, Özbekstan jäne Qyrǧyzstannan kelgen delegasiialar, jergılıktı tarihşy ǧalymdar, aqyn-jazuşylar, tıl janaşyrlary, eŋbek ardagerlerı jäne jastar qatysty.
Aimaq basşysy «Altyn köpır» festivalı atyna zaty sai, şetelde tūratyn qazaq diasporasy ökılderın tarihi Otanymen bailanystyratyn, tuǧan tılımız ben ūlttyq mädenietımızdı, salt-dästürımız ben qasterlı qūndylyqtarymyzdy ūrpaqtan ūrpaqqa jalǧastyratyn taǧylymǧa toly, ruhani köpır ekenın atap öttı.
- Memleket basşysy Qasym-Jomart Kemelūly Toqaev bastamaşy bolǧan Halyqtyq Konstitusiianyŋ preambulasy «Bız, bırtūtas Qazaqstan halqy...» degen sözderden bastalady. Bız baiyrǧy qazaq jerınde memlekettılıgımızdı nyǧaityp, Ūly Dalanyŋ myŋdaǧan jyldyq tarihyn saqtap, bolaşaqqa bırge nyq qadam basamyz. Osyndai bai şejırelı Qazaqstan – älemnıŋ qai tükpırınde ömır sürıp jatsa da, ärbır qazaq üşın ärdaiym tarihi Otanybolyp qala beredı. Dästürlı festivaldıŋ negızgı maqsaty da – jyraqta jürgen qandastarymyzben tūraqty bailanys ornatu, ortaq qūndylyqtarymyzdy därıpteu, - dedı Nariman Töreǧaliev.
Batys Qazaqstan oblysy Resei Federasiiasynyŋ 5 bırdei aimaǧymen şektesıp jatyr. Öŋıraralyq yntymaqtastyq oŋ jolǧa qoiylǧan. Aimaq basşysy körşı eldegı qazaq diasporasy ökılderımen, qoǧamdyq ūiymdarmen kezdesu igı dästürge ainalǧanyn tılge tiek ettı.
- Juyrda Orynbor oblysyna jasaǧan jūmys saparynda «Bäiterek» qazaq qoǧamdyq bırlestıgı müşelerımen kezdesıp, tynys-tırlıgımen tanystym. Qandastarymyz qūrǧan ūiym ūlttyq salt-dästür men töl tarihty tanyp-bılu, nasihattau jolynda jüielı jūmystar atqaryp jatyr. Tüptep kelgende, araqaşyqtyq ūlttyq bolmysty saqtauǧa kedergı bolmauy tiıs. Tatu körşılıkke negızdelgen saiasat ūstanǧan Memleketter basşylary da būǧan erekşe män berıp keledı, - dedı oblys äkımı.
Forumda töl tarihty tügendeu, qazaq tılınıŋ qoldanylu aiasyn keŋeitu jäne özara yntymaqtastyqty odan ärı nyǧaituǧa baǧyttalǧan ūtymdy ūsynystar men parasatty pıkırler aityldy.
