Qaraǧandy oblysy äkımdıgımen qandastardyŋ basym köpşılıgı qonystanǧan öŋırlerdegı jaǧdaidy tūraqtandyru maqsatynda Qaraǧandy, Temırtau, Abai qalalarynda, Būqar–Jyrau, Osakarov audandarynda qoǧamdyq-saiasi jäne etnosaralyq ahualdy sauyqtyru, qandastardy äleumettendıru men beiımdeuge baǧyttalǧan 2025-2026 jyldarǧa arnalǧan Jol kartasy bekıtıldı.
Būl Jol kartasy etnikalyq qazaqtardyŋ jaŋa ortaǧa jyldam beiımdeluıne, ekonomikalyq jäne äleumettık mümkındıkterge teŋ qoljetımdılıktı qamtamasyz etuge baǧyttalǧan. Osyǧan orai, qandas märtebesın beruge ötınış bergen etnikalyq qazaqtarmen jūmysqa ornalasuǧa, bılım aluǧa, densaulyq saqtauǧa, Qazaqstan azamattyǧyn räsımdeuge bailanysty aqparattyq-tüsındıru jūmystary jürgızılude.
Qandastardyŋ kelu sebepterı men ornalasuy
Etnikalyq qazaqtardyŋ negızgı bölıgı Qaraǧandy oblysyna «Otbasymen bırıgu» maqsaty boiynşa köşıp keledı. Statistikalyq derekterge süiensek, qandastardyŋ şamamen 85%-y osy maqsatta elge oralady. Olardyŋ jaŋa ömırge beiımdeluıne kömektesu üşın arnaiy qyzmetter körsetılıp, memlekettık baǧdarlamalarǧa qatysu mümkındıkterı qarastyryluda.«FSM Social» mobildı qosymşasy – qandastarǧa arnalǧan kömekşı qūral
Qandastar men olardyŋ otbasy müşelerıne beiımdeu jäne integrasiialyq qyzmetterdı tiımdı körsetu maqsatynda «FSM Social» mobildı qosymşasy ıske qosylǧan. Būl qosymşa qandastarǧa memlekettık qyzmetterge qol jetkızudı jeŋıldetıp, äleumettık infraqūrylymmen bailanysty jaqsartuǧa kömektesedı. «FSM Social» qosymşasy arqyly qandastarǧa kelesı qyzmetter ūsynylady: • Elektrondy sifrlyq qoltaŋba (ESQ) alu; • Jūmysqa ornalasu; • Mektepke deiıngı jäne jalpy orta bılım beru ūiymdaryna tırkelu; • Medisinalyq ūiymdarǧa tırkelu; • Jer uchaskesın alu; • Otbasynyŋ sifrlyq kartasynda qandastardy jäne olardyŋ otbasyn tırkeu.Qandastardy jūmyspen qamtu şaralary
Qandas märtebesın alǧan etnikalyq qazaqtar «Qandas» aqparattyq-analitikalyq jüiesınen (AAJ) «FSM Social» mobildı qosymşasyna avtomatty türde auystyrylady. Būdan ärı olar eŋbek mobildılıgı ortalyǧynyŋ mamandary arqyly jūmys ızdeuge mümkındık alady. Mamandar qandastardy aimaqtyq jūmyspen qamtu ortalyqtaryna baǧyttap, olar üşın qoljetımdı bos jūmys oryndary jönınde aqparat beredı.Bılım beru men medisinalyq qyzmetterge qoljetımdılık
Qandastar men olardyŋ otbasy müşelerın tezırek äleumettendıru üşın bılım beru jäne medisinalyq qyzmetterdı alu üderısı jeŋıldetılgen. Balalardy mektepke deiıngı jäne orta bılım beru mekemelerıne ornalastyruda kvotalar qarastyrylyp, olarǧa beiımdeu kurstary ūiymdastyrylady. Sonymen qatar, qandastar alǧaşqy medisinalyq kömek alu üşın tırkeu üderısın oŋai jürgıze alady.Jol kartasynyŋ maŋyzy
2025-2026 jyldarǧa arnalǧan Jol kartasy qandastardyŋ Qaraǧandy oblysyna beiımdeluın jeŋıldetıp, olardyŋ jaŋa ortaǧa sättı integrasiialanuyna septıgın tigızedı. Būl bastama öŋırdegı etnosaralyq tūraqtylyqty nyǧaituǧa, qandastardyŋ ömır süru sapasyn arttyruǧa jäne ekonomikalyq äleuetın damytuǧa baǧyttalǧan. Qandastardyŋ elge oraluy – Qazaqstannyŋ demografiialyq jäne äleumettık damuyna yqpal etetın maŋyzdy qadam. Sondyqtan memlekettık organdar tarapynan körsetıletın qoldau şaralary olardyŋ jaŋa ömırge tez beiımdeluıne jäne öz äleuetın jüzege asyruyna mümkındık beredı.
