9 säuırden bastap Qazaqstanda jūmyrtqa importyna alty aiǧa tyiym salynady, dep habarlaidy "Adyrna" ūlttyq portaly Auyl şaruaşylyǧy ministrlıgınıŋ baspasöz qyzmetıne sılteme jasap.
Şekteu kez kelgen kölık türımen üşınşı elderden jäne Euraziialyq ekonomikalyq odaq memleketterınen äkelınetın jūmyrtqaǧa qatysty bolady.
Tek jūmyrtqanyŋ Qazaqstan aumaǧy arqyly tranzittık tasymalyna ǧana erekşe jaǧdai jasalady.
Ministrlık būl şeşımdı köktem-jaz kezeŋınde otandyq tauar öndıruşılerdı qoldau maqsatymen tüsındırdı.
«Qazır jūmyrtqaǧa degen sūranystyŋ tömendegenı baiqalady, naryqtaǧy qajettılık tolyqtai önerkäsıptık öndırıs pen üi şaruaşylyqtarynyŋ belsendı qatysuy esebınen jabylyp otyr. Būl faktor qūs fabrikalarynyŋ jūmysyna kerı äser etıp, jūmyrtqa baǧasynyŋ tömendeuıne äkelude. Baǧanyŋ özındık qūnnan tömendeuı käsıporyndardyŋ tabystylyǧyna terıs yqpal etedı», — dep mälımdedı ministrlık.
Öndırıs kölemı azaimaǧandyqtan, tauar qoimalarda jinalyp qalady. Al būl mezgılde jūmyrtqanyŋ saqtau merzımı qysqarady.
