Baiqoŋyr - adamzattyŋ alǧaşqy ǧaryş qaqpasy. 12 säuır - Ǧaryşkerler künı

12 säuır – Düniejüzılık aviasiia jäne ǧaryşkerler künı. Osy künde adamzat alǧaş ret Jer atmosferasynan şyǧyp, ǧaryşty baǧyndyrudy bastady, dep habarlaidy "Adyrna" ūlttyq portaly. Ǧaryşqa jol Baiqoŋyrdan bastalǧan 1955 jyly KSRO-da alǧaşqy ballistikalyq zymyrandardy synaqtan ötkızu üşın qolaily oryn ızdeldı. Taŋdau Qazaqstannyŋ Qyzylorda oblysyna tüstı. Sebebı būl aimaq keŋ, adam az qonystanǧan jäne klimattyq jaǧdailary tiımdı edı. 1957 jyly 4 qazanda Baiqoŋyrdan alǧaşqy jasandy jer serıgı – "Sputnik-1" ūşyryldy. Al 1961 jyly 12 säuırde osy jerden Iýrii Gagarin alǧaş bolyp ǧaryşqa attandy. Bügıngı Baiqoŋyr Qazırgı taŋda Baiqoŋyr – 15 ūşyru keşenı bar, ǧaryşqa türlı zymyrandar ūşyruǧa qabılettı älemdegı eŋ ırı ǧaryş ailaǧy. Mūnda "Soiuz", "Proton", "Zenit", "Siklon" sekıldı zymyrandar men "Luna", "Mars" siiaqty avtomatty stansiialar ūşyrylǧan. 2025 jyldyŋ 8 säuırınde Baiqoŋyrdan soŋǧy ret "Soiuz MS-27" kemesı ūşyryldy. Onyŋ bortynda reseilık ǧaryşkerler Sergei Ryjikov pen Aleksei Zubriskii jäne NASA astronavty Djonatan Kim bar. Olar Halyqaralyq ǧaryş stansiiasyna bet alǧan. Qazaqstandyq ǧaryşkerler 1991 jyly 2 qazanda Toqtar Äubäkırov ǧaryşqa alǧaş ūşqan qazaqstandyq boldy. Al 1994–2001 jyldar aralyǧynda Talǧat Mūsabaev üş märte ǧaryşqa ūşyp, aşyq ǧaryşta eŋ ūzaq bolǧany üşın Ginnestıŋ rekordtar kıtabyna endı. 2015 jyly 2 qyrküiekte Aidyn Aiymbetov ǧaryşqa ūşyp, 10 kün boiy HǦS-ta jūmys ıstedı.