Oŋtüstık Koreianyŋ Kvanmion qalasynda (Seuldıŋ oŋtüstıgınde) salynyp jatqan metro qūrylys alaŋynda jer opyrylyp, bırneşe ǧimarat pen jol bölıgıne zaqym keldı, dep habarlaidy "Adyrna" ūlttyq portaly Yonhap News agenttıgıne sılteme jasap.
Apat jūma künı, saǧat 15:13-te oryn alǧan. Bastapqyda bes jūmysşy bailanyssyz qalǧan, olardyŋ üşeuı aman tabylyp, taǧy bıreuı — 20 jastaǧy ekskavator jürgızuşısı — apattan 13 saǧat ötken soŋ, 30 metr tereŋdıkten qūtqaryldy.
Bır jūmysşy älı künge deiın ızdestırılude. Ol şamamen 50 jasta. Izdeu jūmystaryna jetı arnaiy üiretılgen it pen arnaiy qūral-jabdyqtar tartylǧan.
Polisiia men qūtqaruşylar äzırge ız-tüzsız ketken adamnyŋ naqty ornyn, tıptı mobildı qūrylǧysy arqyly da, anyqtai almai otyr. Sinoptikter jauyn-şaşyn bolatynyn eskertıp, ızdestıru-qūtqaru jūmystaryn jedeldetu qajettıgın aitty.
Oqiǧadan keiın şamamen 2 400 tūrǧyn evakuasiialanǧan. Alaida qauıpsızdık tekserulerınen keiın, tün ortasynan keiın evakuasiia şeşımı kerı qaitarylyp, 220 adam üilerıne oraldy.
