Qazaqstanda infliasiia qarqyny artyp keledı. Ūlttyq banktıŋ mälımetınşe, 2025 jylǧy nauryzda eldegı jyldyq infliasiia deŋgeiı 10%-ǧa jetken, dep habarlaidy “Adyrna” ūlttyq portaly.
Eldıŋ 20 öŋırınıŋ 16-synda infliasiia üdei tüsken. Eŋ joǧary körsetkış Astana qalasynda tırkeldı — 13,3%. Azyq-tülık baǧasy bır aida 1,1%-ǧa ösıp, jyldyq körsetkış 6,5%-dan 7,6%-ǧa deiın köterılgen. Äsırese, Aqmola oblysynda jaǧdai kürdelı — mūnda azyq-tülık baǧasy bır jylda 10,6%-ǧa qymbattaǧan.
Aqyly qyzmetter boiynşa bır aidaǧy ösım nebärı 0,2% bolsa da, jyldyq infliasiia 14,3%-ǧa jetken. Batys Qazaqstan oblysynda qyzmet qūnynyŋ ösuı 19,1%-dy körsetıp, el boiynşa eŋ joǧary deŋgeide tūr.
Jalpy alǧanda, elımızde 2025 jylǧy nauryzda ailyq infliasiia 1,3%-dy qūrady. Sarapşylar jyl soŋyna deiın infliasiia deŋgeiı 10,6%-ǧa deiın jetuı mümkın ekenın boljap otyr.
Ūqsas jaŋalyqtar
