13 säuır künı keşkı saǧat 22:45 şamasynda Qaraǧandy oblysy, Temırtau qalasyndaǧy Jedel medisinalyq järdem stansiiasynyŋ aumaǧynda auyr oqiǧa oryn aldy. Kezekşılık kezınde feldşer äiel öz ärıptesınıŋ qatygez şabuylyna tap boldy, dep habarlaidy "Adyrna" ūlttyq portaly.
Resmi derekterge säikes, 1995 jyly tuǧan feldşer qyz kezekşılık kezınde telefonmen söilesıp tūrǧan sätınde, alkogoldık mas küide bolǧan ärıptesı – 1994 jyly tuǧan feldşer A. oǧan jaqyndap, "söileseiık" degen jeleumen kenetten tamaǧynan qysyp, jerge qūlatyp, ūryp-soǧuǧa kırısken.
Kuägerlerdıŋ aituynşa, er adam jäbırlenuşını betten ūryp, şaşynan tartyp, ony jerge süiregen. Oqiǧa kuägerı bolǧan ärıptesterı zorlyqşyny toqtatyp, äieldı qūtqaryp qalǧan. Alaida küdıktı bırden oqiǧa ornynan qaşyp ketken.
Jäbırlenuşı – Temırtau qalasynyŋ 30 jastaǧy tūrǧyny. Ol auyr soqqylar alǧan. Qazır onyŋ jaǧdaiy därıgerlerdıŋ baqylauynda. Polisiia qyzmetkerlerı küdıktını ızın suytpai ūstap, polisiia bölımşesıne jetkızdı.
Aldyn ala tergeu nätijesı boiynşa, oqiǧa qyzmettık mındetterge bailanysty emes, jeke kelıspeuşılıkten tuyndaǧan. Atalǧan faktıge bailanysty Qazaqstan Respublikasynyŋ Qylmystyq kodeksı aiasynda qylmystyq ıs qozǧaldy. Qazırgı uaqytta tergeu amaldary jalǧasuda.
Temırtau polisiiasy oqiǧanyŋ barlyq män-jaiyn anyqtau üşın sotqa deiıngı tergeu jürgızıp jatqanyn mälımdedı.
