Qytaida 10G keŋ jolaqty jelı ıske qosyldy

China Unicom men Huawei kompaniiasy bırlesıp Qytaidyŋ Hebei provinsiiasyndaǧy Siunan jaŋa audanynda alǧaşqy 10G keŋ jolaqty jelını ıske qosty, dep habarlaidy “Adyrna” ūlttyq portaly RİA Novosti agenttıgıne sılteme jasap. Agenttık būl turaly qytailyq MyDrivers resursynyŋ aqparatyna süiene otyryp jazǧan. "Huawei men China Unicom Siunan jaŋa audanynda alǧaşqy 10G keŋ jolaqty jelını sättı ıske qosu üşın küş bırıktırdı. 10G keŋ jolaqty bailanysyn ornatu älemdegı alǧaşqy 50G PON şeşımıne negızdelgen", – delıngen materialda. Jelını jaŋartu barysynda talşyqty-optikalyq qatynau jelısınıŋ bazalyq arhitekturasy jetıldırılıp, bır qoldanuşyǧa arnalǧan ötkızu qabıletı dästürlı gigabittık deŋgeiden 10G deŋgeiıne deiın artqan. Al jelıdegı kıdırıs millisekundtyq deŋgeige deiın qysqarǧany aitylǧan. Materialda naqty jükteu jyldamdyǧy 9834 Mbit/s-qa, al jüktep jıberu jyldamdyǧy 1008 Mbit/s-qa jetkenı körsetılgen. Būl tehnologiianyŋ bolaşaqta ülken ötkızu qabıletın talap etetın servister men qosymşalardy damytu üşın maŋyzdy ekenı erekşe atap ötılgen. Fast Technology portalynyŋ derekterıne süiensek, Qytaida 5G mobildı bailanysyn paidalanuşylar sany 1 milliardtan asqan. El boiynşa 18 myŋnan astam 5G+ jelılık qūrylys jobasy jüzege asyrylyp jatyr, onyŋ ışınde öndırıstık qoldanuǧa arnalǧandary da bar. Al 10G jelılerın damytu üşın 168 pilottyq jobaǧa qarjy bölıngen.