QR Premer-ministrınıŋ orynbasary Ermek Köşerbaev Qazaqstanǧa arnaiy şaqyrtumen kelgen Halyqaralyq basketbol federasiiasynyŋ (FIBA) bas hatşysy, 2028 jylǧy Los-Andjeles Olimpiadasynyŋ üilestıru komissiiasynyŋ müşesı Andreas Zaglispen resmi kezdesu ötkızdı.
Kezdesuge QR turizm jäne sport ministrı Erbol Myrzabosynov, sondai-aq Qazaqstan basketbol federasiiasynyŋ prezidentı Abai Alpamysov qatysty.
Jiynda taraptar Qazaqstanda jäne halyqaralyq deŋgeide basketbol sportyn damytu mäselelerın talqylady. Äsırese ūlttyq federasiialardyŋ äleuetın arttyruǧa baǧyttalǧan FIBA Plus baǧdarlamasynyŋ Qazaqstanda jüzege asyrylu mümkındıkterı söz boldy. Būl bastama Qazaqstan ūlttyq basketbol federasiiasymen bırlesıp ıske asyrylmaq.
Būl kezdesu Memleket basşysy Qasym-Jomart Toqaevtyŋ halyqaralyq sport ūiymdarymen bailanysty küşeitu jönındegı tapsyrmasyn jüzege asyru aiasyndaǧy maŋyzdy qadam bolyp otyr. Prezident Parij Olimpiadasy-2024 jüldegerlerımen kezdesude sportşylardyŋ bäsekege qabılettılıgın arttyru jäne älemdık jarystardy Qazaqstanda ötkızu mındetın qoiǧan bolatyn.
Osy maqsatta elımızde halyqaralyq sport ūiymdarymen tūraqty jäne jüielı dialog ornauda. Qazaqstanda Halyqaralyq dziudo federasiiasynyŋ prezidentı Marius Vizer, Halyqaralyq auyr atletika federasiiasynyŋ prezidentı Mūhammed Djalud Äl-Şammari, Halyqaralyq su sporty federasiiasynyŋ prezidentı Husein Äl-Musallam jäne Bırıkken küres älemı (UWW) ūiymynyŋ prezidentı Nenad Lalovich saparlap keldı. Olar eldegı sport infraqūrylymymen tanysyp, Qazaqstanmen strategiialyq ärıptestıktı nyǧaitu mäselelerın talqylaǧan bolatyn.
Endı Qazaqstanǧa komandalyq, oiyn sport türlerınıŋ ökılderı de kele bastaidy. Mäselen, osy künderı FIBA bas hatşysy Andreas Zaglis Qazaqstanǧa kelse, al aldaǧy uaqytta UEFA prezidentı Aleksandr Cheferinnıŋ sapary josparlanyp otyr.
Būl elımızdıŋ halyqaralyq sport qoǧamdastyǧymen bailanysynyŋ tereŋdep kele jatqanyn körsetedı. Qazaqstan Ükımetı aldaǧy uaqytta da osyndai joǧary deŋgeidegı kelıssözder arqyly Qazaqstan sportynyŋ äleuetın küşeitıp, älemdık arenadaǧy bedelın arttyrudy jalǧastyra beredı.
