2028 jyldan bastap Europalyq odaq Şengen vizalaryn tolyǧymen onlain formatqa köşırudı josparlap otyr. Būl turaly Schengen News basylymyjariialady, dep habarlaidy ”Adyrna” ūlttyq portaly.
Būl özgerıstıŋ maqsaty – viza alu prosesın barynşa jeŋıldetu. Endı viza alu üşın qaǧazbastylyq pen vizalyq ortalyqtarǧa baru qajet bolmaidy. Ötınımdı arnaiy onlain platforma arqyly toltyra beresız.
Sifrlyq viza jüiesı vizalyq rejimı bar elderge arnalǧan. Olardyŋ qatarynda Qazaqstan da bar.
Europalyq odaq 2026 jyldan bastap ETIAS dep atalatyn jüienı ıske qosudy közdep otyr. Būl — viza qajet emes elderdıŋ azamattary üşın Europaǧa kıruge aldyn ala berıletın elektrondy rūqsat. Iаǧni, turister saparǧa şyǧar aldynda onlain ötınım toltyryp, rūqsat alady.
Ūqsas jaŋalyqtar
