«Mäsımovtıŋ qysymy». Azamattyǧynan aiyrylǧan etnikalyq qazaq prezidentten araşa sūrady

1413
Adyrna.kz Telegram
https://adyrna.kz/content/uploads/2025/04/bfb6f661-99f9-40da-9bd9-074854071c96-960x500.png?token=e671143e12bce314112d02f35f7745c3

Etnikalyq qazaq, būrynǧy äskeri ūşqyş Nadjibulla Abdul Halil özın Qazaqstan qūqyq qorǧau organdary azamattyǧynan zaŋsyz aiyrǧanyn aityp, eger tuǧan elı Auǧanstanǧa deportasiialansa, ömırıne qauıp tönıp tūrǧanyn mälımdedı. Būl turaly KursivMedia tılşısı mäselenıŋ män-jaiyn bıldı, dep habarlaidy “Adyrna” ūlttyq portaly.

Nadjibulla Abdul Halildıŋ sözınşe, būl jaǧdaiǧa eks-şeneunık Kärım Mäsımovtıŋ otbasy sebepker bolǧan.

Tälıpterden qauıp jäne 30 jyldyq eŋbek

Abdul Halil 1986 jyldan bastap Keŋes Odaǧy tarapynan Auǧanstanda terrorizmge qarsy küreske qatysqanyn, sol sebeptı taliban ony dūşpan sanaitynyn aitty. 1993 jyly elden qaşyp şyǧyp, Türıkmenstanda panalaǧan, keiın 2000 jyly Qazaqstanǧa qonys audarǧan. 2021 jyly ol jäne otbasy müşelerı Qazaqstan azamattyǧyn alǧan.

Kökşetauda auylşaruaşylyq salasynda käsıp jürgızıp, 200-den astam adamdy jūmyspen qamtyǧan. Bıraq 2019 jyly onyŋ sözıne qaraǧanda, Kärım Mäsımovtıŋ äkesı Qajymqan Mäsımov käsıptı berudı talap etıp, bas tartqannan keiın qysymdar bastalǧan.

«Kezdesude «ne käsıbıŋnen bas tartasyŋ, ne senımen menıŋ ūlym ainalysady» dep aitqan. Sol kezden bärı qūrdymǧa kete bastady. Kärım Mäsımovtıŋ äkesı

qaitys boldy, al onyŋ özı türmede otyr. Bıraq olardyŋ zaŋsyz äreketı adamdardyŋ taǧdyryna älı äser etıp otyr. Äkemdı salyq tölemedı dep aityptady. Qamauǧa aldy. Bar mülkımızdı, jürgızıp otyrǧan käsıbımızdı tartyp aldy. Äkemdı tek 2023 jyly bosatty. Al ol uaqytqa deiın barymyzdy tartyp alǧan edı», – deidı Älijan Nadjibullaūly.

2023 jyly Abdul Halil Qazaqstan azamattyǧynan aiyrylǧan. Al juyrda onyŋ äielı men balalary da azamattyqsyz qalǧan. Bilık olardyŋ qos azamattyq alǧanyn dälel retınde ūsynǧan, alaida otbasy būl derekter jalǧan ekenın aitady. Tıptı ūsynylǧan anyqtamadaǧy fotosuret äleumettık jelıden alynǧanyn däleldegen.

Otbasynyŋ aituynşa, Nadjibullaǧa qatysty 7 qylmystyq ıs qozǧalǧan, ekı jyl qamauda otyrǧan, bıraq eşqaisysy däleldenbegen. Ūly Älijannyŋ sözıne qaraǧanda, barlyǧy Mäsımovtermen bailanysty jäne qysym käsıpten bastalyp, keiın azamattyq pen bostandyqqa deiın jalǧasqan.

Nadjibulla Abdul Halil memleket basşysyna hat joldap, kömek sūrap otyr. Onyŋ qazırgı maqsaty – öz qūqyqtaryn qalpyna keltıru jäne otbasymen bırge elde qalu.

Pıkırler